Túrkistan oblysynda 5 jasar Erkejan Nurmahandy qatigezdikpen óltirgen pedofıldiń isine qatysty probasıa qyzmetkeri sot aldynda jaýap berip jatyr, - dep habarlaıdy Dalanews.kz tilshisi Halyq uni basylymyna silteme jasap. 

Probasıa qyzmetkeri jumysyna salǵyrt qarady degen kúdikke ilindi. Oǵan aýyr qylmystyń aldynda shartty túrde jazaǵa kesilgen Gaıbnazar Saıdalıevke tıisti túrde baqylaý júrgizbegen degen aıyp taǵylyp otyr.

Aıta keteıik, 2023 jyly 13 shildede Túrkistan oblysynyń Saryaǵash aýdanynda 5 jasar Erkejan Nurmahan joǵalyp, keıin denesi saý tamtyǵy qalmaǵan kúıinde kórshi úıdiń shatyrynan tabylǵan edi. Al búldirshinniń ólimine buǵan deıin de adam óltirdi dep aıyptalyp, 10 jyl túrmede otyryp shyqqan kórshisi kúdikke ilindi. 7 qyrkúıekte Túrkistan oblysynda 5 jasar qyzdy aıaýsyz óltirgen pedofılge ómir boıyna bas bostandyǵynan aıyrý jazasy taǵaıyndaldy.