Jıynǵa Saryaǵash aýdany ákiminiń orynbasary M.Seıtimbetov, Saryaǵash aýdandyq sotynyń tóraǵasy T.Mashrapov, «Ardagerler uıymy» Respýblıkalyq qoǵamdyq birlestigi Ortalyq keńesiniń baspasóz hatshysy – kásibı medıator J.Elýbaeva, Ortalyq keńestiń jastar isi jónindegi turaqty komısıanyń múshesi – kásibı medıator G.Qaıdarbeqyzy, «Ardagerler uıymy» Respýblıkalyq qoǵamdyq birlestiginiń Túrkistan oblysy boıynsha fılıaly tóraǵasynyń orynbasary Ú.Aıtóreeva, Saryaǵash qalasy men aýdandyq ardagerler keńesteriniń tóraǵalary men músheleri, belsendi ardagerler men kásibı emes medıatorlar jáne BAQ ókilderi qatysty.
Jıyn erkin formatta ótilýine baılanysty qoǵamdyq negizde saılanyp, jumys istep jatqan ardager-medıatorlar, ıaǵnı bıler arasynda qyzý pikir talas pen ózara tájirıbe almasý boldy.
Memleket basshysy N.Á.Nazarbaevtiń «Qazaqstandyqtardyń ál-aýqatynyń ósýi: tabys pen turmys sapasyn arttyrý» Joldaýynda aıtylǵandaı sot júıesin odan ári jańǵyrtý jáne «Sot tóreliginiń jeti túıini» jobasyn iske asyrýdy tapsyrǵany beligil. Búginde Prezıdent tapsyrmasyn basshylyqqa alǵan Saryaǵash aýdanynyń atqaminerleri bul baǵytta jumys istep jatyr. Bizdiń bul sózimizge Saryaǵash aýdanynda sotqa deıingi tatýlasý ortalyǵynyń ashylyp, tıimdi jumys istep jatqany aıqyn mysal bola alady. Búginde ortalyqta azamattarǵa kelissózder, talap qoıý rásimi, medıasıa, onyń ishinde sot medıasıasy, tatýlasý kelisimderi, partısıpatıvtik rásim sıaqty alýan túrli sotqa deıingi daýdy retteýdiń balama rásimderin júrgizý tártibi týraly túsindirme jumystary júrgiziledi.
Jıyn sońynda arnaıy kelip, jıynnyń ótkizilýine muryndyq bolyp otyrǵan, osy jumystardyń kásibı mamandaryna suraqtar berilip, tıisti jaýaptar ala otyryp, usynystar aıtyldy.
Saryaǵash aýdany ákiminiń baspasóz qyzmeti
