جيىنعا سارىاعاش اۋدانى اكىمىنىڭ ورىنباسارى م.سەيتىمبەتوۆ، سارىاعاش اۋداندىق سوتىنىڭ ءتوراعاسى ت.ماشراپوۆ، «ارداگەرلەر ۇيىمى» رەسپۋبليكالىق قوعامدىق بىرلەستىگى ورتالىق كەڭەسىنىڭ باسپا ءسوز حاتشىسى – كاسىبي مەدياتور ج.ەلۋبايەۆا، ورتالىق كەڭەستىڭ جاستار ءىسى جونىندەگى تۇراقتى كوميسسيانىڭ مۇشەسى – كاسىبي مەدياتور گ.قايداربە قىزى، «ارداگەرلەر ۇيىمى» رەسپۋبليكالىق قوعامدىق بىرلەستىگىنىڭ تۇركىستان وبلىسى بويىنشا فيليالى ءتوراعاسىنىڭ ورىنباسارى ءۇ.ايتورەيەۆا، سارىاعاش قالاسى مەن اۋداندىق ارداگەرلەر كەڭەستەرىنىڭ ءتوراعالارى مەن مۇشەلەرى، بەلسەندى ارداگەرلەر مەن كاسىبي ەمەس مەدياتورلار جانە ب ا ق وكىلدەرى قاتىستى.
جيىن ەركىن فورماتتا وتىلۋىنە بايلانىستى قوعامدىق نەگىزدە سايلانىپ، جۇمىس ىستەپ جاتقان ارداگەر-مەدياتورلار، ياعني بيلەر اراسىندا قىزۋ پىكىر تالاس پەن ءوزارا تاجىريبە الماسۋ بولدى.
مەملەكەت باسشىسى ن.ءا.نازاربايەۆتىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» جولداۋىندا ايتىلعانداي سوت جۇيەسىن ودان ءارى جاڭعىرتۋ جانە «سوت تورەلىگىنىڭ جەتى ءتۇيىنى» جوباسىن ىسكە اسىرۋدى تاپسىرعانى بەلىگىل. بۇگىندە پرەزيدەنت تاپسىرماسىن باسشىلىققا العان سارىاعاش اۋدانىنىڭ اتقامىنەرلەرى بۇل باعىتتا جۇمىس ىستەپ جاتىر. ءبىزدىڭ بۇل سوزىمىزگە سارىاعاش اۋدانىندا سوتقا دەيىنگى تاتۋلاسۋ ورتالىعىنىڭ اشىلىپ، ءتيىمدى جۇمىس ىستەپ جاتقانى ايقىن مىسال بولا الادى. بۇگىندە ورتالىقتا ازاماتتارعا كەلىسسوزدەر، تالاپ قويۋ ءراسىمى، مەدياسيا، ونىڭ ىشىندە سوت مەدياسياسى، تاتۋلاسۋ كەلىسىمدەرى، پارتيسيپاتيۆتىك ءراسىم سياقتى الۋان ءتۇرلى سوتقا دەيىنگى داۋدى رەتتەۋدىڭ بالاما راسىمدەرىن جۇرگىزۋ ءتارتىبى تۋرالى تۇسىندىرمە جۇمىستارى جۇرگىزىلەدى.
جيىن سوڭىندا ارنايى كەلىپ، جيىننىڭ وتكىزىلۋىنە مۇرىندىق بولىپ وتىرعان، وسى جۇمىستاردىڭ كاسىبي ماماندارىنا سۇراقتار بەرىلىپ، ءتيىستى جاۋاپتار الا وتىرىپ، ۇسىنىستار ايتىلدى.
سارىاعاش اۋدانى اكىمىنىڭ باسپا ءسوز قىزمەتى
