Saryaǵash aýdany ákiminiń orynbasary B.Polatov pen «Nur Otan» partiiasynyń Saryaǵash aýdandyq filialy tóraǵasynyń birinshi orynbasary Q.Qystaýbaev Derbisek aýyldyq okrýginde boldy. Olar «Nur Otan» partiiasynyń aýdan boiynsha sailaýaldy baǵdarlamasy aiasynda iske qosylǵan «Sanjar» sharýa qojalyǵynyń jumysymen tanysyp, 1000 bas mal bordaqylaý alańynyń iske qosylý is-sharasyna qatysty.
Sharýa qojalyǵynyń jalpy jer kólemi – 2,5 gektar. Búginde munda 300-den asa iri qara mal bordaqylanýda. Aldaǵy ýaqytta onyń sany artady degen jospar bar. Munda 15 adam turaqty jumyspen qamtamasyz etilgen.
Sonymen birge Saryaǵash aýdanynda Jol kartasy aiasynda Qurkeles aýyldyq okrýgi aýmaǵynda «Dilshad» sharýa qojalyǵynyń fermerlik jylyjai kesheni iske qosyldy. Jylyjaida aldaǵy ýaqytta qiiar, qyzanaq ósirilip, jylyna 85 tonna shamasynda ónim alý josparlanǵan. 6 adam turaqty jumyspen qamtylǵan.
«Agrotýr» sharýa qojalyǵy 2018 jyly Jibek joly aýyldyq okrýginde qurylǵan. Sharýa qojalyǵynyń jalpy jer kólemi – 12,85 gektar. Qazirgi tańda qosymsha 2 gektar aýmaqqa ónerkásiptik jylyjai kesheni sharýa qojalyqtyń óz qarajaty esebinen salynýda. Qurylysy biyl qazan aiynda aiaqtalyp, 20 adam turaqty jumyspen qamtylady degen senim bar. Munda qiiar, qyzanaq ósirilip, jylyna 600 tonna ónim alynbaq.
«Nur Otan» partiiasynyń sailaýaldy baǵdarlamasynda «2025 jylǵa qarai aýyl sharýashylyǵynyń jalpy óniminiń kólemi – 1,3 ese, AÓK-gi eńbek ónimdiligi – 2,5 ese, eksport – 2 ese ulǵaiyp, óńdelgen ónimniń úlesi 70%-ke jetkiziledi. Biz ózimizdi elimizde óndiretin negizgi azyq-túlik taýarlarymen tolyq qamtamasyz etemiz» delingen. Elimizdegi eń aýyl sharýashylyǵy damyǵan Túrkistan oblysynda bul baǵytta naqty ister atqarylyp jatyr.
