سارىاعاش اۋدانى ەكٸمٸنٸڭ ورىنباسارى ب.پولاتوۆ پەن «Nur Otan» پارتيياسىنىڭ سارىاعاش اۋداندىق فيليالى تٶراعاسىنىڭ بٸرٸنشٸ ورىنباسارى ق.قىستاۋباەۆ دەربٸسەك اۋىلدىق وكرۋگٸندە بولدى. ولار «Nur Otan» پارتيياسىنىڭ اۋدان بويىنشا سايلاۋالدى باعدارلاماسى اياسىندا ٸسكە قوسىلعان «سانجار» شارۋا قوجالىعىنىڭ جۇمىسىمەن تانىسىپ, 1000 باس مال بورداقىلاۋ الاڭىنىڭ ٸسكە قوسىلۋ ٸس-شاراسىنا قاتىستى.
شارۋا قوجالىعىنىڭ جالپى جەر كٶلەمٸ – 2,5 گەكتار. بٷگٸندە مۇندا 300-دەن اسا ٸرٸ قارا مال بورداقىلانۋدا. الداعى ۋاقىتتا ونىڭ سانى ارتادى دەگەن جوسپار بار. مۇندا 15 ادام تۇراقتى جۇمىسپەن قامتاماسىز ەتٸلگەن.
سونىمەن بٸرگە سارىاعاش اۋدانىندا جول كارتاسى اياسىندا قۇركەلەس اۋىلدىق وكرۋگٸ اۋماعىندا «ديلشاد» شارۋا قوجالىعىنىڭ فەرمەرلٸك جىلىجاي كەشەنٸ ٸسكە قوسىلدى. جىلىجايدا الداعى ۋاقىتتا قييار, قىزاناق ٶسٸرٸلٸپ, جىلىنا 85 توننا شاماسىندا ٶنٸم الۋ جوسپارلانعان. 6 ادام تۇراقتى جۇمىسپەن قامتىلعان.
«اگروتۋر» شارۋا قوجالىعى 2018 جىلى جٸبەك جولى اۋىلدىق وكرۋگٸندە قۇرىلعان. شارۋا قوجالىعىنىڭ جالپى جەر كٶلەمٸ – 12,85 گەكتار. قازٸرگٸ تاڭدا قوسىمشا 2 گەكتار اۋماققا ٶنەركەسٸپتٸك جىلىجاي كەشەنٸ شارۋا قوجالىقتىڭ ٶز قاراجاتى ەسەبٸنەن سالىنۋدا. قۇرىلىسى بيىل قازان ايىندا اياقتالىپ, 20 ادام تۇراقتى جۇمىسپەن قامتىلادى دەگەن سەنٸم بار. مۇندا قييار, قىزاناق ٶسٸرٸلٸپ, جىلىنا 600 توننا ٶنٸم الىنباق.
«Nur Otan» پارتيياسىنىڭ سايلاۋالدى باعدارلاماسىندا «2025 جىلعا قاراي اۋىل شارۋاشىلىعىنىڭ جالپى ٶنٸمٸنٸڭ كٶلەمٸ – 1,3 ەسە, اٶك-گٸ ەڭبەك ٶنٸمدٸلٸگٸ – 2,5 ەسە, ەكسپورت – 2 ەسە ۇلعايىپ, ٶڭدەلگەن ٶنٸمنٸڭ ٷلەسٸ 70%-كە جەتكٸزٸلەدٸ. بٸز ٶزٸمٸزدٸ ەلٸمٸزدە ٶندٸرەتٸن نەگٸزگٸ ازىق-تٷلٸك تاۋارلارىمەن تولىق قامتاماسىز ەتەمٸز» دەلٸنگەن. ەلٸمٸزدەگٸ ەڭ اۋىل شارۋاشىلىعى دامىعان تٷركٸستان وبلىسىندا بۇل باعىتتا ناقتى ٸستەر اتقارىلىپ جاتىر.
