«Quqyq qorǵaý organdarynyń basshylary satqyndyq jasady»
Marat Bashimov Toqaevtyń suhbatta sheneýnikterdiń kabinetten kabinetke júgirip júrgeni týraly sózine qatysty oiyn aitty.
«Toqaev saiasi oiyndar eldiń shyrqyn buzyp kete jazdaǵanyn ashyq aitty. Ókinishke qarai, quqyq qorǵaý organdarynyń basshylary satqyndyq jasady. Prezident úlken jáne kishi prezident múldem bolmaýy kerek dep durys aitty. «Kettiń be – qaiyrylma» printsipi durys. Iaǵni, qazirgi Prezidenttiń konstitýtsiialyq ókilettikterine aralasýǵa jáne Konstitýtsiiaǵa qol suǵýǵa bolmaidy», - deidi Bashimov.
«Qazaqstanda pozitiv reformalar júrip jatyr»
Zań ǵylymdarynyń doktory Ermek Abdrasýlovtyń sózinshe, Qazaqstanda pozitiv reformalar júrip jatyr.
«Pozitiv reformanyń júrip jatqanyna birneshe jyl boldy, ol Qańtar oqiǵasyna deiin bastaldy. Olar ádil qoǵam, ádil Qazaqstan, Jańa Qazaqstandy qurýǵa baǵyttalǵan. Bul jaǵdaida elde qos bilik bolmaýy kerek. Negizi suhbatta da sheneýnikter bir kabinetten kabinetke júgirip júrgeni aitylady jáne onyń zardaby osyndai boldy», - deidi Abdrasýlov.
Sarapshylar qaraly qańtar oqiǵasy kezinde Prezident jedel sheshim qabyldaýy kerek bolǵanyn aitady. Birtindep oryndalýy kerek bolǵan reformalardy qysqa ýaqyt ishinde negizdi túrde oryndaý kerek boldy.
"Eski Qazaqstannyń qaityp kelý jospary álbette bar. Ol jospar ázirlenip jatýy da múmkin"
Qazaqstannyń respýblikalyq zań konsýltanttar kollegiiasynyń tóraǵasy Serik Aqylbaidyń sózinshe, bári demokratiialyq jolmen kele jatyr. Sonymen qatar, sarapshy eski Qazaqstannyń ókilderiniń bilikke kelý jospary bolǵanyn ashyq aitty. Eski Qazaqstannyń qaityp kelý jospary álbette bar. Ol jospar ázirlenip jatýy da múmkin.
«Bir kezderi bilikke qaityp kelgisi kelgen kúshterdiń qaityp kelýi ekitalai. Ony halyq ta sezdi. Halyq balasynyń bolashaǵyna senetinin sezdi. Tipti balalarǵa ulttyq qordan qarjy bólinedi, mundai eshqashan bolǵan emes. Ekonomika damyp kele jatqanyna, investitsiialar tartylyp jatqanyna, Prezident tynbai shetelmen bailanysta bolyp, jumys istep jatqanyna kóz jetip jatyr», - deidi Serik Aqylbai.
Marat Bashimov bir sózben aitqanda eski júiege qaityp oralý múmkin emes ekenin atap ótti.
«Búginde Qazaqstandaǵy saiasi reforma tek júielik emes, qaitymsyz sipatqa ie bolǵanyn asqan senimmen aitýǵa bolady. Sebebi ulttyń saiasi mentaliteti transformatsiiaǵa ushyraǵan», - deidi Bashimov.
Marat Bashimov Toqaevtyń suhbaty - jyldar boiy qalyptasqan qos standarttardan, eń joǵary ózin-ózi tsenzýradan bas tartý, eskiden aýlaq bolý, jaǵympazdyqtan tazarý jáne birge ádil qoǵam qurý múmkindigi ekenin aitady.
Sýret: ndtv.com
https://dalanews.kz/bas-takyryp/98351-bul-khayp-emes-kandelaki-provokaciiasy
