«قۇقىق قورعاۋ ورگاندارىنىڭ باسشىلارى ساتقىندىق جاسادى»
مارات باشيموۆ توقايەۆتىڭ سۇحباتتا شەنەۋنىكتەردىڭ كابينەتتەن كابينەتكە جۇگىرىپ جۇرگەنى تۋرالى سوزىنە قاتىستى ويىن ايتتى.
«توقايەۆ ساياسي ويىندار ەلدىڭ شىرقىن بۇزىپ كەتە جازداعانىن اشىق ايتتى. وكىنىشكە قاراي، قۇقىق قورعاۋ ورگاندارىنىڭ باسشىلارى ساتقىندىق جاسادى. پرەزيدەنت ۇلكەن جانە كىشى پرەزيدەنت مۇلدەم بولماۋى كەرەك دەپ دۇرىس ايتتى. «كەتتىڭ بە – قايىرىلما» ءپرينسيپى دۇرىس. ياعني، قازىرگى پرەزيدەنتتىڭ كونستيتۋسيالىق وكىلەتتىكتەرىنە ارالاسۋعا جانە كونستيتۋسياعا قول سۇعۋعا بولمايدى»، - دەيدى باشيموۆ.
«قازاقستاندا پوزيتيۆ رەفورمالار ءجۇرىپ جاتىر»
زاڭ عىلىمدارىنىڭ دوكتورى ەرمەك ابدراسۋلوۆتىڭ سوزىنشە، قازاقستاندا پوزيتيۆ رەفورمالار ءجۇرىپ جاتىر.
«پوزيتيۆ رەفورمانىڭ ءجۇرىپ جاتقانىنا بىرنەشە جىل بولدى، ول قاڭتار وقيعاسىنا دەيىن باستالدى. ولار ءادىل قوعام، ءادىل قازاقستان، جاڭا قازاقستاندى قۇرۋعا باعىتتالعان. بۇل جاعدايدا ەلدە قوس بيلىك بولماۋى كەرەك. نەگىزى سۇحباتتا دا شەنەۋنىكتەر ءبىر كابينەتتەن كابينەتكە جۇگىرىپ جۇرگەنى ايتىلادى جانە ونىڭ زاردابى وسىنداي بولدى»، - دەيدى ابدراسۋلوۆ.
ساراپشىلار قارالى قاڭتار وقيعاسى كەزىندە پرەزيدەنت جەدەل شەشىم قابىلداۋى كەرەك بولعانىن ايتادى. بىرتىندەپ ورىندالۋى كەرەك بولعان رەفورمالاردى قىسقا ۋاقىت ىشىندە نەگىزدى تۇردە ورىنداۋ كەرەك بولدى.
"ەسكى قازاقستاننىڭ قايتىپ كەلۋ جوسپارى البەتتە بار. ول جوسپار ازىرلەنىپ جاتۋى دا مۇمكىن"
قازاقستاننىڭ رەسپۋبليكالىق زاڭ كونسۋلتانتتار كوللەگياسىنىڭ ءتوراعاسى سەرىك اقىلبايدىڭ سوزىنشە، ءبارى دەموكراتيالىق جولمەن كەلە جاتىر. سونىمەن قاتار، ساراپشى ەسكى قازاقستاننىڭ وكىلدەرىنىڭ بيلىككە كەلۋ جوسپارى بولعانىن اشىق ايتتى. ەسكى قازاقستاننىڭ قايتىپ كەلۋ جوسپارى البەتتە بار. ول جوسپار ازىرلەنىپ جاتۋى دا مۇمكىن.
«ءبىر كەزدەرى بيلىككە قايتىپ كەلگىسى كەلگەن كۇشتەردىڭ قايتىپ كەلۋى ەكىتالاي. ونى حالىق تا سەزدى. حالىق بالاسىنىڭ بولاشاعىنا سەنەتىنىن سەزدى. ءتىپتى بالالارعا ۇلتتىق قوردان قارجى بولىنەدى، مۇنداي ەشقاشان بولعان ەمەس. ەكونوميكا دامىپ كەلە جاتقانىنا، ينۆەستيسيالار تارتىلىپ جاتقانىنا، پرەزيدەنت تىنباي شەتەلمەن بايلانىستا بولىپ، جۇمىس ىستەپ جاتقانىنا كوز جەتىپ جاتىر»، - دەيدى سەرىك اقىلباي.
مارات باشيموۆ ءبىر سوزبەن ايتقاندا ەسكى جۇيەگە قايتىپ ورالۋ مۇمكىن ەمەس ەكەنىن اتاپ ءوتتى.
«بۇگىندە قازاقستانداعى ساياسي رەفورما تەك جۇيەلىك ەمەس، قايتىمسىز سيپاتقا يە بولعانىن اسقان سەنىممەن ايتۋعا بولادى. سەبەبى ۇلتتىڭ ساياسي مەنتاليتەتى ترانسفورماسياعا ۇشىراعان»، - دەيدى باشيموۆ.
مارات باشيموۆ توقايەۆتىڭ سۇحباتى - جىلدار بويى قالىپتاسقان قوس ستاندارتتاردان، ەڭ جوعارى ءوزىن-وزى سەنزۋرادان باس تارتۋ، ەسكىدەن اۋلاق بولۋ، جاعىمپازدىقتان تازارۋ جانە بىرگە ءادىل قوعام قۇرۋ مۇمكىندىگى ەكەنىن ايتادى.
سۋرەت: ndtv.com
https://dalanews.kz/bas-takyryp/98351-bul-khayp-emes-kandelaki-provokaciiasy
