Munai salasynyń mamany Oljas Baidildinov jelidegi paraqshasynda teńge baǵamyna qatysty kóktemdegi boljamy aidai kelgenin aityp, jazba jariialady, dep habarlaidy Dalanews.kz.
"Sáýirde munai baǵasy quldyrai bastaǵanda onyń saldary jazdaǵy biýdjetten, onda da shilde-tamyz ailaryndaǵy aqsha baǵamynan kórinis tabatynyn aityp, óz boljamymen bólisken bolatynmyn. Tipti, boljamdy tsifrdy da atadym: 542,3 teńge. Al búgingi aqsha aiyrbas oryndaryndaǵy baǵa 540-541 teńge dep tur, kórdińizder me?", - deidi ol keshegi jazbasynda.
Al Baidildinovtyń 2025 jylǵy 7 sáýirdegi jazbasynda bylai delingen:
"Bizdiń jańalyqtardan jylt etip kórip qalyp júrgen munai baǵasy bir aidan keiingi tasymal fiýchersteri bolyp tabylady. Iaǵni, munaidyń bir barreli 60 dollar desek, ol 2025 jyldyń mamyr aiyna arnalǵan baǵa. Al biýjetke ol bir-eki aidan keiin áser ete bastaidy, naqtyraq aitqanda, maýsym-shildede. Tamyz aiynda bolsa, ádette bizdiń valiýta naryǵynda "baǵa jarysy" bastalady. Eger munaidyń 65 dollar baǵamy uzaǵynan saqtalsa (3-6 ai shamasynda), onda munai barreli teńgege shaqqanda 542,3 teńgeden sanalady, iaǵni bul – sol kezdegi aqsha baǵamy".
Aita ketsek, 2025 jylǵy 25 shildede QR Ulttyq Bank teńgege shaqqandaǵy 1 AQSh dollarynyń resmi qunyn 541,93 teńge deńgeiinde bekitti. Al búginderi aqsha aiyrbas oryndarynda amerikalyq valiýta 546-547 teńgeden satylýda.
Buǵan deiin saitymyzda "Infliatsiia degenińiz "órt", ekonomika qyzyp barady". Sarapshy teńge baǵamyna qatysty shyndyqty aitty" degen maqala jariialanǵan bolatyn.
