مۇناي سالاسىنىڭ مامانى ولجاس ءبايدىلدينوۆ جەلىدەگى پاراقشاسىندا تەڭگە باعامىنا قاتىستى كوكتەمدەگى بولجامى ايداي كەلگەنىن ايتىپ، جازبا جاريالادى، دەپ حابارلايدى Dalanews.kz.
"ساۋىردە مۇناي باعاسى قۇلدىراي باستاعاندا ونىڭ سالدارى جازداعى بيۋدجەتتەن، وندا دا شىلدە-تامىز ايلارىنداعى اقشا باعامىنان كورىنىس تاباتىنىن ايتىپ، ءوز بولجامىمەن بولىسكەن بولاتىنمىن. ءتىپتى، بولجامدى سيفردى دا اتادىم: 542،3 تەڭگە. ال بۇگىنگى اقشا ايىرباس ورىندارىنداعى باعا 540-541 تەڭگە دەپ تۇر، كوردىڭىزدەر مە؟"، - دەيدى ول كەشەگى جازباسىندا.
ال ءبايدىلدينوۆتىڭ 2025 جىلعى 7 ساۋىردەگى جازباسىندا بىلاي دەلىنگەن:
"ءبىزدىڭ جاڭالىقتاردان جىلت ەتىپ كورىپ قالىپ جۇرگەن مۇناي باعاسى ءبىر ايدان كەيىنگى تاسىمال فيۋچەرستەرى بولىپ تابىلادى. ياعني، مۇنايدىڭ ءبىر باررەلى 60 دوللار دەسەك، ول 2025 جىلدىڭ مامىر ايىنا ارنالعان باعا. ال بيۋجەتكە ول بىر-ەكى ايدان كەيىن اسەر ەتە باستايدى، ناقتىراق ايتقاندا، ماۋسىم-شىلدەدە. تامىز ايىندا بولسا، ادەتتە ءبىزدىڭ ۆاليۋتا نارىعىندا "باعا جارىسى" باستالادى. ەگەر مۇنايدىڭ 65 دوللار باعامى ۇزاعىنان ساقتالسا (3-6 اي شاماسىندا)، وندا مۇناي باررەلى تەڭگەگە شاققاندا 542،3 تەڭگەدەن سانالادى، ياعني بۇل – سول كەزدەگى اقشا باعامى".
ايتا كەتسەك، 2025 جىلعى 25 شىلدەدە ق ر ۇلتتىق بانك تەڭگەگە شاققانداعى 1 اقش دوللارىنىڭ رەسمي قۇنىن 541،93 تەڭگە دەڭگەيىندە بەكىتتى. ال بۇگىندەرى اقشا ايىرباس ورىندارىندا امەريكالىق ۆاليۋتا 546-547 تەڭگەدەن ساتىلۋدا.
بۇعان دەيىن سايتىمىزدا "ينفلياسيا دەگەنىڭىز "ءورت"، ەكونوميكا قىزىپ بارادى". ساراپشى تەڭگە باعامىنا قاتىستى شىندىقتى ايتتى" دەگەن ماقالا جاريالانعان بولاتىن.
