Tuńǵysh prezidenttiń keńesshisi – baspasóz hatshysy Aidos Úkibai Sara Nazarbaevanyń qandai diagnozben aýrýhanaǵa túskenin aitty, dep habarlaidy Dalanews.kz.
Sara Nazarbaeva 2025 jyldyń sáýir aiynan bastap Qazaqstan Respýblikasy Prezidenti Is basqarmasy Meditsinalyq ortalyǵynyń Almaty qalasyndaǵy Ulttyq gospitalinde emdelip jatty. Sol kezeńde ol aýyr miokard infarktin bastan keshirgen.
"Dárigerler uzaq ýaqytqa sozylǵan aýyr qant diabeti men údemeli sozylmaly búirek jetkiliksizdigi aiasynda damyǵan júrektiń ishemiialyq aýrýyn, júrek jáne ókpe jetkiliksizdigin anyqtady. Sara Nazarbaeva uzaq ýaqyt boiy ókpeni jasandy jeldetý jáne jasandy búirek apparattaryna qosylǵan kúide boldy", - deidi Aidos Úkibai.
Biyl qańtar aiynda jaǵdaiynyń turaqtanýyna bailanysty statsionarlyq emdeý kezeńi aiaqtaldy. Qazirgi ýaqytta Sara Nazarbaeva Almaty qalasynda úi jaǵdaiynda dárigerlerdiń baqylaýynda.
