Qaraǵandy oblysynyń ákimi Ermaǵanbet Bólekpaev dene shynyqtyrý jáne sport basqarmasyndaǵy oqiǵaǵa bailanysty pikir bildirip, bul máselege asyǵys baǵa berip, jedel qorytyndy jasaýǵa bolmaitynyn atap ótti, dep habarlaidy Dalanews.kz.
Onyń aitýynsha, tekseris pen tergeý aiaqtalǵannan keiin tiisti quqyqtyq baǵa beriledi.
"Tártipbuzýshylyq bar, ol úshin jaýapkershilik te bolýy tiis. Sonymen qatar, zań talaptaryna sáikes úzdiksiz atqarylýy qajet jumys bar. Bul jóninde biz buǵan deiin de ashyq málimdegenbiz jáne taǵy da qaitalap ótemin: bul jaǵdai boiynsha Memlekettik qyzmet isteri agenttiginiń departamenti tekserý júrgizedi, sondai-aq, basqarmanyń qyzmetine keshendi aýdit jasalady. Qazir tergeý júrip jatyr, árbir áreketke quqyqtyq baǵa beriledi", – dedi óńir basshysy apparat keńesi barysynda.
Oblys ákimi memlekettik qyzmetshilerdiń zań talaptary men qyzmettik ádep normalaryn qatań saqtaýy qajet ekenine erekshe nazar aýdardy.
Eske salaiyq, buǵan deiin Serik Sápiev soqqyǵa jyǵylyp, orynbasary tergeýge alynǵanyn habarlaǵan edik.
Artynsha jelide oqiǵanyń videosy tarady. Serik Sápiev sol kúni daýly oqiǵaǵa bailanysty málimdeme jasaǵan edi.
Bul oqiǵaǵa bailanysty Qaraǵandynyń Sport basqarmasynda aýdit júrgiziledi.
