Saparbaev: «Jaqsy jigitter bar, biraq olar A korpýsynda joq»
– Qazir zaman basqa. Talaptar da joǵary. Ekonomikalyq daǵdarys, saiasi jaǵdaidar bar, sondyqtan halyq bilikten kóp zat kútedi. Halyqtyń jaǵdaiyn jaqsartý kerek. Ol úshin bilik jumys jasaý kerek. Eger jumys jasai almasa, oryndaryn bosatýlary kerek, – dedi oblys basshysy,
Saparbaevtyń paiymynsha, bilikte jershildik, rýshyldyq degen bolmaý kerek.
– Bizde bir-aq rý, bir-aq jer bar. Ol – Qazaqstannyń jeri. Rýshyldyǵymyz – Qazaqstannyń azamaty. Qazaqstannyń Konstitýtsiiasyna sáikes, Qazaqstannyń azamaty Qazaqstannyń túkpir-túkpirine baryp jumys isteýge qaqysy bar. Al,óńirdegi kadrlyq ózgeristerge keler bolsaq, men olarǵa toǵyz ai ýaqyt berdim. Jumys istei almasańdar, oryndaryńdy bosatasyńdar degem. Úsh ákim, onyń ishinde qala basshysy bar, oryndarynan ketti. Keibireýler «baiaǵy jartas – bir jartas», ákimderdi alyp tastaý kerek edi dep jazady. Qazir memlekettik qyzmet týraly zańnamada ákim bolý úshin A korpýsynda bolý kerek. Ókinishke qarai, jaqsy jigitter bar, biraq A korpýsynda joq, – deidi oblys ákimi.
Berdibek Saparbaev Shalqar men Temir aýdandarynyń burynǵy ákimderinde kemshilikter baryn, biraq taǵy bir múmkindik berip jatqanyn jetkizdi.
– Meniń tájiribemde bylai: Eshýaqytta jumystan bosaǵan kisini jumyssyz qaldyrmaimyn. Ákim bola almaisyń, myna jumysty jasa, basqarma basshysy bola almaidy ekensiń, basqa jumysty kór deimin. Eger maǵan renjýli adamdar maǵan qarsy jumys jasaimyz dese, ony Aqtóbede turyp jatqan halyqqa qarsy jasalyp jatqan jumys dep túsiný kerek. Biraq maǵan qarsy birdeńe uiymdastyra qoiady dep oilamaimyn, – deidi oblys ákimi.
Marat Tólepbergen,
«Tilshi» saity
