Saparbaev: "Biliktiń kemshiligi – halyqpen sirek kezdesedi"
Ákimniń aitýynsha Aqtóbe qalasyndaǵy Jer kodeksiniń máni men mazmunyn túsindiretin 4 qabyldaý bólimine 415 suraq kelip túsken. Onyń 200-den astamy baspana salýǵa jer telimin suraý, 41-i jer telimin jalǵa alý jáne taǵy 40-y kásip ashý týraly usynystar eken. Sonymen qatar, 40 adam jumysqa ornalasýdyń joldaryn bilipti.
«Biliktiń kemshiligi – halyqpen sirek kezdesýi. Biz neǵurlym halyqpen jii kezdessek, Elbasy Nursultan Nazarbaev aitqandai, birinshiden, ózimizdiń máselemiz sheshilip, ekinshiden, halyqty tolǵandyryp júrgen máselelerdi jyldam sheship, jaǵdaiynyń jaqsarýyna kómektese alamyz. Sondyqtan bárin eskere kele, qurylǵan toptar jumystaryn ári qalai jalǵastyrady degen sheshim shyǵaryldy»,- dedi halyqpen júzdesý kezinde oblys ákimi Berdibek Saparbaev.
Jiynǵa jinalǵan turǵyndar da óz kezeginde mundai jumystyń turaqty túrde júrgizilýi qajet degen usynys aitty jáne bul usynys qoldaý tapty. Endi memlekettik qyzmetkerler men qoǵamdyq uiym ókilderi aldaǵy 2-3 aida Qazaqstan halqy assambleiasy ǵimaraty, oblystyq filarmoniia men drama teatrda qabyldaý ótkizedi. Qabyldaý núktelerine arnaiy telefon qondyrylyp, jaýapty qyzmetker bekitiledi.
Oblys ákimdiginde ótken jiyn kezinde óńir basshysy áleýmettik jeli arqyly halyqty sabyrǵa shaqyryp, mitingten bas tartýǵa úgittegen birqatar qoǵam belsendilerine rizashylyǵyn bildirdi.
