Almaty qalasynyń tergeý soty qoǵam belsendisi Sanjar Boqaevqa qatysty bultartpaý sharasynyń merzimin 18 tamyzǵa deiin uzartý týraly sheshim qabyldady. Bul jóninde onyń advokaty Radmir Ótepov málim etti, dep habarlaidy dalanews.kz.
Sanjar Boqaev 2026 jyldyń 18 naýryzynan beri tergeý izoliatorynda qamaýda otyr. Buǵan deiin Bas prokýratýra onyń asa iri kólemdegi qarajatty alaiaqtyq jolmen jymqyrdy, jalǵan aqparat taratty jáne qoǵamda teris pikir qalyptastyrý maqsatynda beinematerialdar jariialady degen kúdikke ilingenin habarlaǵan.
Tergeý nusqasyna sáikes, Boqaev aǵash kesý jumystaryn ózi uiymdastyryp, ony qarjylandyrǵan. Sonymen qatar bul jumystarǵa áleýmettik turǵydan osal toptaǵy adamdar tartylǵan degen boljam bar.
Al qoǵam belsendisiniń jaqtastary oǵan qatysty qozǵalǵan qylmystyq isti qoldan uiymdastyrylǵan dep eseptep, bul istiń saiasi astary bolýy múmkin ekenin aityp keledi.
