Sanjar Boqaevqa qatysty bultartpaý sharasy uzartyldy. Almaty qalasynyń tergeý soty ony 18 maýsymǵa deiin tergeý abaqtysynda qaldyrý týraly sheshim shyǵarǵan. Bul jóninde advokaty Radmir Ótepov habarlady, dep habarlaidy dalanews.kz.
Belsendi 18 naýryzdan beri qamaýda otyr. Tergeý nusqasy boiynsha, ol asa iri kólemdegi alaiaqtyqqa, jalǵan aqparat taratýǵa jáne qoǵamda teris pikir qalyptastyrý maqsatynda video jariialaýǵa qatysy bar degen kúdikke ilingen.
Qazaqstan Respýblikasynyń Bas prokýratýrasy málimetine sáikes, Boqaev zańsyz aǵash kesý áreketin ózi uiymdastyryp, ony videoǵa túsirip, keiin áleýmettik jelilerde jariialaǵan bolýy múmkin. Tergeý aiasynda bul iske áleýmettik osal top ókilderi tartylǵany da aityldy.
Belsendiniń jaqtastary qylmystyq isti «qoldan jasalǵan» dep baǵalap, onyń artynda saiasi sebepter bolýy yqtimal ekenin málimdegen. Sondai-aq olar isti ashyq formatta qaraýdy talap etip otyr.
Sanjar Boqaev sońǵy jyldary Qazaqstandaǵy zańsyzdyqtar, ýtilalym, biýdjet qarjysynyń jumsalýy jáne Almatydaǵy qurylys salasyndaǵy daýly máseleler týraly videolary arqyly tanylǵan.
