24 aqpanda Eýroodaq keńesi Ýkrainaǵa jasalǵan áskeri shabýyldyń úsh jyldyǵyna orai Reseige salǵan kezekti 16-sanktsiialar tiziminde Qazaqstannyń eki kompaniiasy júrgeni belgili boldy. Keiinnen olardyń 2024 jylǵy sanktsiialar tiziminde de bolǵan Kazstanex jáne MetallStan atty kompaniialar ekeni anyqtaldy. Búgingi tańda Saýda jáne integratsiia ministrligi ózderinde sanktsiiaǵa ilingen osy qos otandyq kompaniianyń jumysyn toqtatý-toqtatpaýy múmkindigine qatysty eshqandai derek joq ekenin jetkizdi, dep habarlaidy Dalanews.kz.
Bul týraly Saýda jáne integratsiia ministri Arman Shaqqaliev málimdedi.
"Atalǵan kompaniialar mashina jasaý salasynda jabdyqtyń belgili bir túrlerin jetkizýmen ainalysqan. Búgingi tańda bul kompaniialar, Memlekettik kirister komiteti málimetinshe, syrtqy ekonomikalyq qyzmetti júzege asyrmaidy, tek Qazaqstan aýmaǵynda jumys isteidi. Olar jabylǵan joq, biraq qyzmet túrin ózgertti. Olar jumys istep jatyr, iá, biraq olar eksporttyq operatsiialardy júzege asyrmaidy", - dedi Shaqqaliev Májilis dálizinde jýrnalisterge bergen suqbatynda.
Ministrlik ózderinde atalǵan kompaniialardy taratý josparlanyp jatyr ma, ol týraly derekter joǵyn naqtylai ketti.
Aita ketsek, kezekti sanktsiiasymen EO Reseidiń 13 bankine shekteýler engizdi. Oǵan sáikes, 2025 jyldyń 17 naýryzynan bastap "Ýralsib", "Tochka", "Sinara", "Ak bars", Roseksimbank, Ulttyq rezerv bank, Primsotsbank, BBR bank, Kýznetskbiznesbank, "Mir biznes bank" jáne "Kýban kredit" SWIFT tólem júiesinen ajyratylady.
Sondai-aq, Resei áskeri-ónerkásiptik keshenin qoldaityn jáne Resei Federatsiiasyna sanktsiialardy ainalyp ótýge kómektesetin 53 jańa sýbekt anyqtaldy. Olardyń ishinde qazaqstandyq eki kompaniia da bar. Almatyda tirkelgen "Kazstanex" JShS stanok jáne ónerkásip jabdyqtaryn jetkizýmen ainalysady."MetallStan" JShS bolsa, ashyq derekkózderdegi málimet boiynsha, 2012 jyly mamyrda tirkelgen, qyzmet túri - qandai da bir naqtylaýsyz taýarlardyń keń assortimentiniń kóterme saýdasy.
Kompaniia 2023 jyly 9,29 mln teńge, 2024 jyly 6,4 mln teńge salyq tólegen. Sonymen qatar, Kazstanex direktory Vasilii Abramov aldynda Ulybritaniia engizgen sanktsiialar tiziminde de bolǵan. Qujatta kompaniia Reseidiń qorǵanys sektoryna stanoktar jetkizýmen ainalysatyny kórsetilgen. Sondai-aq, bul tizimde Reseidegi Ekspobanktiń qojaiyny Igor Kim de júr, ol Qazaqstandaǵy "Bereke" mikro qarjylyq uiymnyń (MQU) jalǵyz aktsioneri bolyp tabylady. Ol buǵan deiin MQU-ny bankke ainaldyrý týraly jospary baryn aitqan bolatyn.
