Sandýǵash Dúisenova «Dostyq úiin» bereke-birliktiń altyn arqaýyna ainaldyrady
S.Dúisenova 1968 jylda Taldyqorǵan qalasynda dúniege kelgen. Ál-Farabi atyndaǵy Qazaq memlekettik Ulttyq Ýniversitetiń «jýrnalistika» mamandyǵy boiynsha bitirgen.
Ár jyldary respýblikalyq jáne oblystyq BAQ-da jýrnalist bolyp jumys istedi. «Jeltaia gazeta» qoǵamdyq-saiasi gazetiniń direktory – bas redaktory bolǵan.
Sandýǵash Dúisenova qaiyrymdylyqpen, áleýmettik jobalardy júzege asyrýmen ainalysady. Áleýmettik jaǵdaiy tómen otbasylarǵa, kóp balaly analarǵa, qaraýsyz qalǵan qarttarǵa, ata-anasy tastap ketken jetimderge kásipkerler taýyp kóptegen kómek kórsetýde.
Sandýǵash Elýbaiqyzynyń tabandylyǵy men ótkirligin, iskerligi men adamgershilin erekshe baǵalaýǵa bolady. Jetisý jurtshylyǵy Sandýǵash Elýbaiqyzyn baspasóziniń shynaiy janashary, maitalman jýrnalisti, halqyna qyzmet etýdiń úlken úlgisin kórsetken tulǵa dep biledi.
Sandýǵash Elýbaiqyzy saiasi kúres alańyna shyǵyp alyp keibireýler qusap jalǵan bedel, arzan upai alý maqsatyn emes, eldik máselelerdi tý etip kóterip, biik minberlerden bilikti usynys-oilar aitýymen erekshelenip júrgen sanaýly jýrnalisterdiń biri. «Týra aitsań týǵanyńa jaqpaisyń» degen sóz bar. Solai eken dep Sandýǵa sámbi talsha iilgenin eshkim kórgen emes.
Ol qalamynyń qýatyn ulttyq, problemalyq jaittarǵa arnady. Eń aldymen, qarapaiym adamdardyń múddesin qorǵai bildi. Ondaida aldynda taý tursa da yqpaityn qaisar minezin Jetisý halyqy joǵary baǵalaidy. Qalamger áriptesimiz Jetisýdy mekendegin halyqty ulty men tegine qaramai kómek qolyn sozyp keledi. Bizdiń bul sózimizge kóz jetkizý úshin qalamy qarymdy jýrnalistiń Feisbýk áleýmettik jelisindegi jazbalary men postaryna qarasańyz, koronovirýs kezinde Almaty oblysyndaǵy aýqatty adamdardyń basyn qosyp, talai adamǵa qol úshin sozǵanyna kóz jetkizýge bolady. Osylaisha Sandýǵash Elýbaiqyzy kópshiliktiń yqylasyna bólenip, jurttyń alǵysyna ie bolýda.
Aldaǵy ýaqytta kópshiligimen tanylǵan Sandýǵash hanym Jetisý jerin mekendegen ózge ult ókilderin ortaq maqsatqa jumyldyryp, aimaqtaǵy tatýlyqtyń jandanýyna barynsha úles qosatyna senim artamyz.
Esterińizge sala keteiik, biyl Almaty oblysy Qazaqstan halqy Assambleiasy «Dostyq Úii – Qoǵamdyq kelisim ortalyǵy» KMM direktory Táńirbergen Qasymberkebaevty zeinetkerlik demalysqa saltanatty túrde shyǵaryp salǵan edi.
