Saltanat Núkenovanyń ólimine qatysty is boiynsha sottalǵan Qýandyq Bishimbaevtyń baýyry Baqytjan Baijanov jaqyn arada bostandyqqa shyǵady. Bul týraly onyń advokaty Ǵaziz Yntyqbaev málimdedi, dep habarlaidy dalanews.kz.
Qorǵaýshynyń aitýynsha, onyń qorǵaýyndaǵy azamatqa jańa Konstitýtsiianyń qabyldanýyna bailanysty jariialanǵan raqymshylyq aktisi qoldanylǵan.
«Baijanov sot otyrysyna onlain qatysty. Sot qaýlysy túzeý mekemesine túskennen keiin ol dereý bosatylýy tiis. Otyrys Stepnogorsk qalalyq sotynda ótti», – dedi advokat.
Eske salaiyq, 2025 jyldyń shilde aiynda Stepnogorsk qalalyq soty Baqytjan Baijanovtyń raqymshylyq jasaý týraly ótinishin qanaǵattandyrǵan bolatyn. Sonyń nátijesinde onyń jaza merzimi 8 ai 8 kúnge qysqartyldy.
Ol kezde Baijanov jazasynyń 1 jyl 11 aiyn ótep qoiǵan edi. Buǵan deiin onyń 2026 jyldyń qarasha aiynda bostandyqqa shyǵatyny kútilgen bolatyn.
