سالتانات نٷكەنوۆانىڭ ٶلٸمٸنە قاتىستى ٸس بويىنشا سوتتالعان قۋاندىق بيشٸمباەۆتىڭ باۋىرى باقىتجان بايجانوۆ جاقىن ارادا بوستاندىققا شىعادى. بۇل تۋرالى ونىڭ ادۆوكاتى عازيز ىنتىقباەۆ مەلٸمدەدٸ, دەپ حابارلايدى dalanews.kz.
قورعاۋشىنىڭ ايتۋىنشا, ونىڭ قورعاۋىنداعى ازاماتقا جاڭا كونستيتۋتسييانىڭ قابىلدانۋىنا بايلانىستى جارييالانعان راقىمشىلىق اكتٸسٸ قولدانىلعان.
«بايجانوۆ سوت وتىرىسىنا ونلاين قاتىستى. سوت قاۋلىسى تٷزەۋ مەكەمەسٸنە تٷسكەننەن كەيٸن ول دەرەۋ بوساتىلۋى تيٸس. وتىرىس ستەپنوگورسك قالالىق سوتىندا ٶتتٸ», – دەدٸ ادۆوكات.
ەسكە سالايىق, 2025 جىلدىڭ شٸلدە ايىندا ستەپنوگورسك قالالىق سوتى باقىتجان بايجانوۆتىڭ راقىمشىلىق جاساۋ تۋرالى ٶتٸنٸشٸن قاناعاتتاندىرعان بولاتىن. سونىڭ نەتيجەسٸندە ونىڭ جازا مەرزٸمٸ 8 اي 8 كٷنگە قىسقارتىلدى.
ول كەزدە بايجانوۆ جازاسىنىڭ 1 جىل 11 ايىن ٶتەپ قويعان ەدٸ. بۇعان دەيٸن ونىڭ 2026 جىلدىڭ قاراشا ايىندا بوستاندىققا شىعاتىنى كٷتٸلگەن بولاتىن.
