«Gross trenajeri» – qımyl-qozǵalysy buzylǵan balalarǵa qozǵalýyna múmkindik beredi, tipti damýyna kóp múmkindik beretin erekshe qurylǵy. Bul trenajer tirek-qımyl organdary buzylǵan balalardyń qaýipsizdigin saqtaı otyryp, damýyna, qozǵalýyna jáne jazyqtyqta aınalýyna múmkindik beredi.
Jobanyń maqsaty – mundaı trenajerlerdi Qazaqstan boıynsha psıhologıalyq kabınetterge ornatý tirek-qımyl organdary buzylǵan balalarǵa, otbasylaryna basqa qalalarǵa barmaı-aq, balany turǵylyqty jeri boıynsha ońaltýǵa múmkindik beredi.
Trenajerdegi sabaqtar árqashan jarqyn emosıonaldy túske ıe, bala jáne onyń otbasy tamasha emosıalarǵa bólenedi. Endi mamandar trenajerdiń kómegimen balalardyń tepe-teńdikpen durys júrý, qaýipsiz qozǵalys daǵdylaryn damytý bóten adamnyń kómeginsiz tepe-teńdik sezimin damyta alady.
Balalardyń qozǵalys matorıkasyn damytý basqa daǵdylardy damytady, mysaly, estý-sóıleý jáne ıntellektýaldy damý. Gross trenajeryndaǵy jattyǵýdyń nátıjesinde, balanyń ártúrli kedergilerden qorqýyn seıiltip, keńistikte qozǵalysyn damytady.
Trenajer avtorlary Gross Iýhan Artýrovıch pen Gross Artýr Iýhanovıch Saıram aýdanynyń psıhologıalyq-pedagogıkalyq túzetý kabınetinde trenajer ornatyp, PPTK mamandaryna, ata-analar men osy máselege qyzyǵýshylyq tanytqandardyń barlyǵyna oqytý semınarynda keńes berdi.
Búgingi tańda «Dara» qory Qazaqstan boıynsha psıhologıalyq-pedagogıkalyq túzetý kabınetterinde 20 Gross trenajeryn ornatty.
Iýhan Gross kásibı sportshy, otyz jyl buryn kónkımen syrǵanaýshylardy oqytýǵa arnalǵan trenajer jasaýdy bastaǵan. Biraq keıinirek, patenttik zertteý barysynda onyń trenajery tirek-qımyl apparaty buzylǵan balalardy ońaltýda tıimdiligin kórsetti. «Gross trenajeri» patenttelgen, Medısınalyq jáne sporttyq trenajerdiń alǵashqy modelderi 1991 jyldan bastap jumys isteıdi.
Psıhologıalyq-pedagogıkalyq túzetý kabıneti-bul kez-kelgen erekshe bala men onyń otbasy bilikti mamandar komandasynyń kómegin alatyn arnaıy bilim uıymy. Psıhologıalyq-pedagogıkalyq túzetý kabınetterdegi turǵylyqty jeri boıynsha barlyq qyzmetter tegin beriledi. PPTK 0-den 18 jasqa deıingi balalarǵa qyzmet kórsetedi.
«Dara» qory-jobalardy iske asyratyn qaıyrymdylyq jeke qor, ata-anasynyń qamqorlyǵynsyz qalǵan jáne erekshe bilim berilýine qajettiligi bar balalardyń ómir súrý jaǵdaılaryn jaqsartýǵa jáne damý múmkindikterin keńeıtýge baǵyttalǵan baǵdarlamalardy júzege asyrady.
