«گروسس ترەناجەرى» – قيمىل-قوزعالىسى بۇزىلعان بالالارعا قوزعالۋىنا مۇمكىندىك بەرەدى، ءتىپتى دامۋىنا كوپ مۇمكىندىك بەرەتىن ەرەكشە قۇرىلعى. بۇل ترەناجەر تىرەك-قيمىل ورگاندارى بۇزىلعان بالالاردىڭ قاۋىپسىزدىگىن ساقتاي وتىرىپ، دامۋىنا، قوزعالۋىنا جانە جازىقتىقتا اينالۋىنا مۇمكىندىك بەرەدى.
جوبانىڭ ماقساتى – مۇنداي ترەناجەرلەردى قازاقستان بويىنشا پسيحولوگيالىق كابينەتتەرگە ورناتۋ تىرەك-قيمىل ورگاندارى بۇزىلعان بالالارعا، وتباسىلارىنا باسقا قالالارعا بارماي-اق، بالانى تۇرعىلىقتى جەرى بويىنشا وڭالتۋعا مۇمكىندىك بەرەدى.
ترەناجەردەگى ساباقتار ءارقاشان جارقىن ەموسيونالدى تۇسكە يە، بالا جانە ونىڭ وتباسى تاماشا ەموسيالارعا بولەنەدى. ەندى ماماندار ترەناجەردىڭ كومەگىمەن بالالاردىڭ تەپە-تەڭدىكپەن دۇرىس ءجۇرۋ، ءقاۋىپسىز قوزعالىس داعدىلارىن دامىتۋ بوتەن ادامنىڭ كومەگىنسىز تەپە-تەڭدىك سەزىمىن دامىتا الادى.
بالالاردىڭ قوزعالىس ماتوريكاسىن دامىتۋ باسقا داعدىلاردى دامىتادى، مىسالى، ەستۋ-سويلەۋ جانە ينتەللەكتۋالدى دامۋ. گروسس ترەناجەرىنداعى جاتتىعۋدىڭ ناتيجەسىندە، بالانىڭ ءارتۇرلى كەدەرگىلەردەن قورقۋىن سەيىلتىپ، كەڭىستىكتە قوزعالىسىن دامىتادى.
ترەناجەر اۆتورلارى گروسس يۋحان ارتۋروۆيچ پەن گروسس ارتۋر يۋحانوۆيچ سايرام اۋدانىنىڭ پسيحولوگيالىق-پەداگوگيكالىق تۇزەتۋ كابينەتىندە ترەناجەر ورناتىپ، پپتك ماماندارىنا، اتا-انالار مەن وسى ماسەلەگە قىزىعۋشىلىق تانىتقانداردىڭ بارلىعىنا وقىتۋ سەمينارىندا كەڭەس بەردى.
بۇگىنگى تاڭدا «دارا» قورى قازاقستان بويىنشا پسيحولوگيالىق-پەداگوگيكالىق تۇزەتۋ كابينەتتەرىندە 20 گروسس ترەناجەرىن ورناتتى.
يۋحان گروسس كاسىبي سپورتشى، وتىز جىل بۇرىن كونكيمەن سىرعاناۋشىلاردى وقىتۋعا ارنالعان ترەناجەر جاساۋدى باستاعان. ءبىراق كەيىنىرەك، پاتەنتتىك زەرتتەۋ بارىسىندا ونىڭ ترەناجەرى تىرەك-قيمىل اپپاراتى بۇزىلعان بالالاردى وڭالتۋدا تيىمدىلىگىن كورسەتتى. «گروسس ترەناجەرى» پاتەنتتەلگەن، مەديسينالىق جانە سپورتتىق ترەناجەردىڭ العاشقى مودەلدەرى 1991 جىلدان باستاپ جۇمىس ىستەيدى.
پسيحولوگيالىق-پەداگوگيكالىق تۇزەتۋ كابينەتى-بۇل كەز-كەلگەن ەرەكشە بالا مەن ونىڭ وتباسى بىلىكتى ماماندار كومانداسىنىڭ كومەگىن الاتىن ارنايى ءبىلىم ۇيىمى. پسيحولوگيالىق-پەداگوگيكالىق تۇزەتۋ كابينەتتەردەگى تۇرعىلىقتى جەرى بويىنشا بارلىق قىزمەتتەر تەگىن بەرىلەدى. پپتك 0-دەن 18 جاسقا دەيىنگى بالالارعا قىزمەت كورسەتەدى.
«دارا» قورى-جوبالاردى ىسكە اسىراتىن قايىرىمدىلىق جەكە قور، اتا-اناسىنىڭ قامقورلىعىنسىز قالعان جانە ەرەكشە ءبىلىم بەرىلۋىنە قاجەتتىلىگى بار بالالاردىڭ ءومىر ءسۇرۋ جاعدايلارىن جاقسارتۋعا جانە دامۋ مۇمكىندىكتەرىن كەڭەيتۋگە باعىتتالعان باعدارلامالاردى جۇزەگە اسىرادى.
