«Jumysshylar poselkesi» eldi mekeninde Raıymbek dańǵyly – Krylov – Kazakov – Botkın – Goncharov – Skrábın kósheleriniń qıylysynda renovasıalaý baǵdarlamasy boıynsha úıler salynýda. 2020 jyly buzylǵan 6 úıdiń ornyna jalpy alańy 16 myń sharshy metr bolatyn 304 páterli 4 úıdiń qurylysy bastaldy. Aǵymdaǵy jyl tozyǵy jetken eki úı súrilip, jalpy alańy 12,5 myń sharshy metr bolatyn 183 páterlk úsh úıdiń qurylysy bastaldy.
Súriletin karkas pen qamystan salynǵan úsh úıdiń turǵyndary qala ákimine qonys aýdarý máselesiniń keshigip jatqanyn aıtty. Osyǵan oraı Baqytjan Saǵyntaev jańartý baǵdarlamasynyń operatory bolyp tabylatyn «Almaty» ÁKK basshylyǵyna turǵyndarǵa jobanyń kezeńderi týraly ýaqtyly habarlaýdy ári olardyń ýaqytsha turatyn qonystaryn jedel sheshýdi tapsyrdy.
Megapolıs ákimi 150 qosymsha oryn ashýǵa múmkindik beretin №102 mekteptiń jańa korpýsynyń qurylys qarqynymen tanysty. Baqytjan Saǵyntaev qurylys-montaj jumystaryn tezdetýdi jáne nysandy 1 qyrkúıekte ashýdy tapsyrdy. Qulager shaǵyn aýdanynda aýysymynda 150 kelýshige arnalǵan zamanaýı DSK kesheniniń qurylysy jalǵasýda. Keshen sport jáne trenajer zaldarynan, eki baseınnen jáne kúsh jattyǵýlary zalynan turady.
Qadamdyq qoljetimdi medısınalyq qyzmettermen qamtamasyz etý, qoldanystaǵy medısınalyq mekemelerdiń júktemelerin azaıtý úshin emhanalardy ashý úshin daıyn ǵımarattardy satyp alý múmkindigi qarastyrylýda. Sıdorkın, 14 jáne Omarov, 91 «a» kóshelerindegi ǵımarattardy qarap shyqqan qala ákimi Qoǵamdyq densaýlyq basqarmasyna osy máseleni zerdeleýdi tapsyrdy.
Baqytjan Saǵyntaev Qazybaev kóshesi – Rysqulov dańǵyly– Tátibekov kóshesi– Raıymbek dańǵyly boıynda salynyp jatqan ınjenerlik jelilerdiń qurylys sapasyn tekserdi. 43 shaqyrymǵa jýyq sýmen jabdyqtaý jelileri jáne 15 shaqyrym sýdan burý jumystary aıaqtalyp qaldy. Ortalyq júıege 6 myńnan astam abonent qosylady. Qala ákimi jumys sapasyna, sonyń ishinde jol jamylǵysyn qalpyna keltirý jumysyna baqylaýdy kúsheıtýdi tapsyrdy.
Jumys sapary kezinde Almaty ákimi Jetisý aýdanyndaǵy abattandyrýdyń barysymen tanysty, Qulager shaǵyn aýdanynda «Búdjetke qatysý» jobasy aıasynda salynyp jatqan aralas kóshedegi jaıaý júrginshiler aımaǵyn qarap shyqty. Baqytjan Saǵyntaev oıyn alańdary men sport alańdaryn jasaýdyń, sondaı-aq yńǵaıly oryndyqtar men kóshe shamdaryn ornatýdyń qajettiligin atap ótti.
Seıfýllın dańǵylyndaǵy buryn qaraýsyz qalǵan úıaralyq aýmaqta «Búdjetke qatysý» jobasy boıynsha Workout qurylǵysy ornatylyp, jaryq jelisi tartyldy, oryndyqtar qoıyldy. Qala ákimi Qulager shaǵyn aýdanyndaǵy úılerdiń qasbetterin jóndeý jáne Jangeldın kóshesi boıyndaǵy aryq jelilerin rekonstrýksıalaý jumystarymen tanysty.
Jumys saparynyń sońynda Baqytjan Saǵyntaev Kókmaısa shaǵyn aýdanyndaǵy Esentaı ózeniniń jaǵalaýyn abattandyrý jumysynyń bastalýymen jáne Úlken Almaty kanaly boıyndaǵy ýchaskeni rekonstrýksıalaýmen tanysty. Jasyl ekonomıka bsqarmasyna qalalyqtardyń pikirin eskere otyryp, qoǵamdyq keńistikterdi jóndeýdi tapsyrdy. Jańa demalys aımaqtary jaqyn mańdaǵy Kókmaısa jáne Aınabulaq shaǵyn aýdandary turǵyndarynyń serýendeıtin oryndaryna aınalady.
