Saǵyntaev Jambyl óńiriniń indýstriialyq áleýetimen tanysty
Sapary barysynda Saǵyntaev Jambyldaǵy eń iri degen júie quraýshy kásiporyn – QR Indýstriialyq-innovatsiialyq damý memlekettik baǵdarlamasy aiasynda iske asyrylyp jatqan «Qazfosfat» JShS zaýytyn aralap kórdi.
Aita ketelik, atalǵan óndiris orny elimizdegi mineraldy tyńaitqyshtar shyǵaratyn jalǵyz himiialyq zaýyt.
Óndiris orynda aýyr sharýashylyǵyna asa qajetti mineraldy tyńaitqyshtar, jemshóptik ftorsyzdandyrylǵan fosfattar óndiriledi. Óz kezeginde zaýyt basshylary Úkimet basshysyna óndiristiń biylǵy jylǵy kórsetkishteri, sonymen qatar eksport kólemin arttyrý týraly baiandady.
«Qazfosfat» JShS bas direktory Muqash Eskendirovtiń aitýyna qaraǵanda, IIDMB sheńberinde byltyrǵy jyly zaýytty qaita jóndeý óndiris kólemin 2 esege deiin arttyrýǵa múmkindik bergen.
Al biylǵy jyly 300 myń tonnaǵa jýyq fosforly mineraldy tyńaitqyshtar óndirilgen eken. Bulardyń 108 myń tonnasy ishki naryqqa jetip tur. Qazaqstannyń qajettilikterin 100 paiyzǵa qamtidy.
Al qalǵan 200 myń tonnaǵa jýyǵy Qytai, Aýǵanstan, Resei, Ýkraina, Ýrýgvai, Argentina elderine eksporttalady. Qazirgi tańda Chehiia, Rýmyniia, Iran, Bolgariia siiaqty memleketterdiń naryqtaryn igerý jumystary júrgizilip jatqan jaiy bar.
Al aldaǵy jyly zaýyt basshylyǵy fosforly mineraldy tyńaitqyshtar óndirisi kólemin 500 myń tonnaǵa deiin ulǵaitý josparlap otyr.
Saǵyntaevtyń sapary kezinde Úkimetbasyny óńirdiń óndiristik ahýalmen tanysqan Jambyl oblysy ákiminiń orynbasary Timýr Janke IIDMB Indýstriialandyrý kartasy aiasynda 2017 jyly óńirde 1448 jańa jumys ornyn qurylǵanyn jáne 18,8 mlrd teńgege 13 jobany iske asyrý josparlanǵanyn baiandady.
Biylǵy jyldyń basynan beri 8,3 mlrd teńge somaǵa 6 joba engizilir, naqty 398 jumys orny qurylǵan.
Jalpy kórsetkishke keler bolsaq, 2017 jyldyń 10 aiynda Qazaqstanda ekonomikanyń barlyq bazalyq salalary boiynsha óndiris ósimi baiqalǵan. Ónerkásip kórsetkishteri ótken jyldyń uqsas kezeńimen salystyrǵanda 7,5% jaqsarǵan eken. Atap aitqanda, sonyń ishinde Jambyl óńiri boiynsha ósim 1,4% quraǵan.
