ساپارى بارىسىندا ساعىنتايەۆ جامبىلداعى ەڭ ءىرى دەگەن جۇيە قۇراۋشى كاسىپورىن – ق ر يندۋستريالىق-يننوۆاسيالىق دامۋ مەملەكەتتىك باعدارلاماسى اياسىندا ىسكە اسىرىلىپ جاتقان «قازفوسفات» ج ش س زاۋىتىن ارالاپ كوردى.
ايتا كەتەلىك، اتالعان ءوندىرىس ورنى ەلىمىزدەگى مينەرالدى تىڭايتقىشتار شىعاراتىن جالعىز حيميالىق زاۋىت.
ءوندىرىس ورىندا اۋىر شارۋاشىلىعىنا اسا قاجەتتى مينەرالدى تىڭايتقىشتار، جەمشوپتىك فتورسىزداندىرىلعان فوسفاتتار وندىرىلەدى. ءوز كەزەگىندە زاۋىت باسشىلارى ۇكىمەت باسشىسىنا ءوندىرىستىڭ بيىلعى جىلعى كورسەتكىشتەرى، سونىمەن قاتار ەكسپورت كولەمىن ارتتىرۋ تۋرالى باياندادى.
«قازفوسفات» ج ش س باس ديرەكتورى مۇقاش ەسكەندىروۆتىڭ ايتۋىنا قاراعاندا، ييدمب شەڭبەرىندە بىلتىرعى جىلى زاۋىتتى قايتا جوندەۋ ءوندىرىس كولەمىن 2 ەسەگە دەيىن ارتتىرۋعا مۇمكىندىك بەرگەن.
ال بيىلعى جىلى 300 مىڭ تونناعا جۋىق فوسفورلى مينەرالدى تىڭايتقىشتار وندىرىلگەن ەكەن. بۇلاردىڭ 108 مىڭ تونناسى ىشكى نارىققا جەتىپ تۇر. قازاقستاننىڭ قاجەتتىلىكتەرىن 100 پايىزعا قامتيدى.
ال قالعان 200 مىڭ تونناعا جۋىعى جۇڭگو، اۋعانستان، رەسەي، ۋكراينا، ۋرۋگۆاي، ارگەنتينا ەلدەرىنە ەكسپورتتالادى. قازىرگى تاڭدا چەحيا، رۋمىنيا، يران، بولگاريا سياقتى مەملەكەتتەردىڭ نارىقتارىن يگەرۋ جۇمىستارى جۇرگىزىلىپ جاتقان جايى بار.
ال الداعى جىلى زاۋىت باسشىلىعى فوسفورلى مينەرالدى تىڭايتقىشتار ءوندىرىسى كولەمىن 500 مىڭ تونناعا دەيىن ۇلعايتۋ جوسپارلاپ وتىر.
ساعىنتايەۆتىڭ ساپارى كەزىندە ۇكىمەتباسىنى ءوڭىردىڭ وندىرىستىك احۋالمەن تانىسقان جامبىل وبلىسى اكىمىنىڭ ورىنباسارى تيمۋر جانكە ييدمب يندۋستريالاندىرۋ كارتاسى اياسىندا 2017 جىلى وڭىردە 1448 جاڭا جۇمىس ورنىن قۇرىلعانىن جانە 18،8 ملرد تەڭگەگە 13 جوبانى ىسكە اسىرۋ جوسپارلانعانىن باياندادى.
بيىلعى جىلدىڭ باسىنان بەرى 8،3 ملرد تەڭگە سوماعا 6 جوبا ەنگىزىلىر، ناقتى 398 جۇمىس ورنى قۇرىلعان.
جالپى كورسەتكىشكە كەلەر بولساق، 2017 جىلدىڭ 10 ايىندا قازاقستاندا ەكونوميكانىڭ بارلىق بازالىق سالالارى بويىنشا ءوندىرىس ءوسىمى بايقالعان. ونەركاسىپ كورسەتكىشتەرى وتكەن جىلدىڭ ۇقساس كەزەڭىمەن سالىستىرعاندا 7،5% جاقسارعان ەكەن. اتاپ ايتقاندا، سونىڭ ىشىندە جامبىل ءوڭىرى بويىنشا ءوسىم 1،4% قۇراعان.
