Almaty qalasy ákimi Baqytjan Saǵyntaev «Almaty» TA-daǵy Akimat Live baǵdarlamasy kezinde balalar men jasóspirimderdiń fızıkalyq damýy úshin ınfraqurylym qalaı jasalatyny týraly suraqqa jaýap berdi, – dep habarlaıdy Dalanews.kz.

Almatyda bolashaq chempıondardy daıyndaý úshin sporttyq nysandardyń qoljetimdigi men ashyqtyǵyna basa nazar aýdarylady ári keshendi sharalar qabyldanýda.

Osy maqsatta alty sporttyq-saýyqtyrý kesheniniń, sondaı-aq úlken tenıs pen ústel tenısi ortalyqtarynyń qurylysy júrgizilýde. Halyqaralyq «Suńqar» shańǵy tramplınder kesheninde sport kesheniniń qurylysy aıaqtalýda.

Tegin qadamdyq qoljetimdi ashyq alańdarda, jekpe-jek ortalyqtarynda 40-tan astam jattyqtyrýshy sabaq berýde. Osylaısha, bir jarym myńnan astam balalar men jasóspirimder sportpen shuǵyldanýda. Sonymen qatar, jan basyna shaqqanda qarjylandyrý arqasynda úsh myńnan astam bala sport seksıalaryna aqysyz barady.