ساعىنتاەۆ بولاشاق چەمپيونداردى دايىنداۋعا جاعداي جاسالىنىپ جاتقانىن ايتتى
الماتىدا بولاشاق چەمپيونداردى دايىنداۋ ٷشٸن سپورتتىق نىسانداردىڭ قولجەتٸمدٸگٸ مەن اشىقتىعىنا باسا نازار اۋدارىلادى ەرٸ كەشەندٸ شارالار قابىلدانۋدا.
وسى ماقساتتا التى سپورتتىق-ساۋىقتىرۋ كەشەنٸنٸڭ, سونداي-اق ٷلكەن تەننيس پەن ٷستەل تەننيسٸ ورتالىقتارىنىڭ قۇرىلىسى جٷرگٸزٸلۋدە. حالىقارالىق «سۇڭقار» شاڭعى ترامپليندەر كەشەنٸندە سپورت كەشەنٸنٸڭ قۇرىلىسى اياقتالۋدا.
تەگٸن قادامدىق قولجەتٸمدٸ اشىق الاڭداردا, جەكپە-جەك ورتالىقتارىندا 40-تان استام جاتتىقتىرۋشى ساباق بەرۋدە. وسىلايشا, بٸر جارىم مىڭنان استام بالالار مەن جاسٶسپٸرٸمدەر سپورتپەن شۇعىلدانۋدا. سونىمەن قاتار, جان باسىنا شاققاندا قارجىلاندىرۋ ارقاسىندا ٷش مىڭنان استام بالا سپورت سەكتسييالارىنا اقىسىز بارادى.
