Ridderdegi Ostrovskii kóshesine Abai dańǵyly ataýy berildi
Máslihattyń kezekten tys sessiiasynda Shyǵys Qazaqstan oblystyq máslihattyń sessiiasy buǵan deiin bekitilgen 2021 jylǵa arnalǵan biýdjetke ózgerister engizildi.
ShQO ekonomika jáne biýdjettik josparlaý basqarmasynyń basshysy Sáýle Ýlaqovanyń aitýynsha, ózgerister jyl basyna qalyptasqan bos qaldyqtardy bólýmen, sondai-aq oblystyq biýdjettik baǵdarlamalar ákimshileriniń qarajatyn basym baǵyttarǵa qaita bólýmen bailanysty. Onyń aitýynsha, qosymsha oblystyq qarajat aimaq úshin mańyzdy máselelerdi sheshýge jumsalady. Mysaly, «Shyǵys – Adaldyq alańy» jobasy aiasynda 10 aýyldyq eldi mekendi «Ashyq ákimdik» formatynda qyzmet kórsetýdiń servistik modeline kóshýge 38,9 mln teńge bólindi.
– Jumyspen qamtýdy úilestirý jáne áleýmettik baǵdarlamalar basqarmasy boiynsha 29,7 mln teńge kópbalaly jáne az qamtylǵan otbasylarǵa áleýmettik-quqyqtyq kómek kórsetý úshin memlekettik áleýmettik tapsyrysty ornalastyrýǵa baǵyttalatyn bolady. Chernobyl AES-indegi apattyń zardaptaryn joiýǵa qatysýshylardy eske alýǵa arnalǵan monýment jasaýǵa 17 million teńge jumsalady, –dedi Sáýle Ulaqova.
Kún tártibinde Óskemen jáne Ridder qalalarynyń keibir kóshelerin qaita ataý, sondai-aq avtobýs parkin jańartý siiaqty basqa da máseleler qaraldy.
– Oblys ortalyǵynda Mendeleev kóshesi tanymal metallýrg, Qazaqstan Respýblikasy Memlekettik syilyqtarynyń laýreaty, Qazaqstannyń Eńbek Eri Baǵdat Shaiahmetovtyń esimimen atalady, ol da «ÓTMK» AQ basshylyǵy kezinde otandyq metallýrgiiany damytýǵa eleýli úles qosty, – dedi Tilderdi damytý basqarmasynyń basshysy Roza Tólemisova. – Ridderdegi Ostrovskii atyndaǵy ortalyq kóshege Abai dańǵyly ataýy berildi. Abai esimimen atalatyn taǵy bir kóshe osy qalanyń týmasy, Keńes Odaǵynyń Batyry Sergei Gýliaev kóshesi dep atalatyn bolady.
Aimaq basshysy Danial Ahmetov bul rette ǵalym Dmitrii Mendeleevtiń esimi joǵalmaitynyn atap ótti.
– Taǵy bir kóshe himik-ǵalym Mendeleevtiń esimimen atalady. Barlyq is-sharalar ótkizildi, Respýblikalyq komissiia maquldady. Qalalyq máslihattyń kelesi sessiiasynda bul suraq qaraýǵa shyǵarylatyn bolady, - dedi Danial Ahmetov.
Aita keteiik, Óskemen qalasynda 93 birlik avtobýs parkin jańartý baǵytynda tiisti jumystar júrgizilýde.
