Ridder qalasynda salynyp jatqan zamanaýi emhana kesheniniń qurylys jumystarynyń 80%-y aiaqtaldy, dep habarlaidy Dalanews.kz "24.kz"-ke silteme jasap.
Jospar boiynsha 200 oryndyq statsionar men bir aýysymda 500 naýqasty qabyldai alatyn emdeý mekemesi biyl jyl sońynda paidalanýǵa berilýi tiis. Alaida qurylys jumystary kezinde jobanyń birqatar bóligine túzetýler engizilýine bailanysty jumys barysy biraz ýaqytqa kesheýildegen edi.
Soǵan qaramastan qaitarylǵan aktivter esebinen 28 milliard teńgeden astam qarajat bólinip, byltyr qurylys qaita jandanyp, jańa qarqynmen ilgeriledi.
Búginde 55 myń turǵyny bar Ridder úshin bul emhananyń mańyzy zor. Qala turǵyndary talai jyldan beri eski ári tar aýrýhanada emdelip kelgen. Endi olar kardiologiia, insýlt jáne kúiik ortalyqtary bar, zamanaýi talaptarǵa sai iri meditsinalyq keshende tolyq qyzmet ala alady.
- Qaitarlyǵan aktivterden bólingen qarjy sharýany shiratty. Emhana qurylysy 80%-ǵa, al statsionar 35%-ke aiaqtaldy. Biyl jeltoqsan aiynda nysan tolyq salynyp, qoldanysqa berilýi tiis, - deidi ShQO qurylys, sáýlet jáne qala qurylysy basqarmasynyń bas mamany Arailym Kenjeǵulova.
