ريددەردە جاڭا ەمحانانىڭ قۇرىلىسى قارقىندى جٷرٸپ جاتىر

ريددەر قالاسىندا سالىنىپ جاتقان زاماناۋي ەمحانا كەشەنٸنٸڭ قۇرىلىس جۇمىستارىنىڭ 80%-ى اياقتالدى, دەپ حابارلايدى Dalanews.kz "24.kz"-كە سٸلتەمە جاساپ.

جوسپار بويىنشا 200 ورىندىق ستاتسيونار مەن بٸر اۋىسىمدا 500 ناۋقاستى قابىلداي الاتىن ەمدەۋ مەكەمەسٸ بيىل جىل سوڭىندا پايدالانۋعا بەرٸلۋٸ تيٸس. الايدا قۇرىلىس جۇمىستارى كەزٸندە جوبانىڭ بٸرقاتار بٶلٸگٸنە تٷزەتۋلەر ەنگٸزٸلۋٸنە بايلانىستى جۇمىس بارىسى بٸراز ۋاقىتقا كەشەۋٸلدەگەن ەدٸ.

سوعان قاراماستان قايتارىلعان اكتيۆتەر ەسەبٸنەن 28 ميلليارد تەڭگەدەن استام قاراجات بٶلٸنٸپ, بىلتىر قۇرىلىس قايتا جاندانىپ, جاڭا قارقىنمەن ٸلگەرٸلەدٸ.

بٷگٸندە 55 مىڭ تۇرعىنى بار ريددەر ٷشٸن بۇل ەمحانانىڭ ماڭىزى زور. قالا تۇرعىندارى تالاي جىلدان بەرٸ ەسكٸ ەرٸ تار اۋرۋحانادا ەمدەلٸپ كەلگەن. ەندٸ ولار كارديولوگييا, ينسۋلت جەنە كٷيٸك ورتالىقتارى بار, زاماناۋي تالاپتارعا ساي ٸرٸ مەديتسينالىق كەشەندە تولىق قىزمەت الا الادى.

- قايتارلىعان اكتيۆتەردەن بٶلٸنگەن قارجى شارۋانى شيراتتى. ەمحانا قۇرىلىسى 80%-عا, ال ستاتسيونار 35%-كە اياقتالدى. بيىل جەلتوقسان ايىندا نىسان تولىق سالىنىپ, قولدانىسقا بەرٸلۋٸ تيٸس, - دەيدٸ شقو قۇرىلىس, سەۋلەت جەنە قالا قۇرىلىسى باسقارماسىنىڭ باس مامانى ارايلىم كەنجەعۇلوۆا.