Attyń qulaǵynda oinaǵan jetkinshekter Aqbai aýylynyń turǵyndary. Biyldan bastap sabaqtan bos ýaqyttarynda sheberlikterin shyńdaýǵa keremet múmkindik alǵan eken.
Sairam aýdandyq sport bóliminiń basshysy Asqar Baýyrjanovtyń aityp ótkenindei «Rýhani jańǵyrý baǵdarlamasy aiasynda aýdandarda ulttyq sport túrleri boiynsha bólimder ashylsyn degen «Kókpar» federatsiiasy prezidentiniń hatyna sáikes ulttyq sport túrlerin balalarǵa dáripteý maqsatynda №3 aýdandyq balalar men jasóspirimder sport mektebinde ulttyq sport túrleri boiynsha kókpar, aýdaryspaq, teńge ilý bólimi ashylǵan.
Al ulttyq sport túrlerine balalardy baýlý jumysyna biýdjet esebinen qarjy qaralǵan. Biyl 15 attyń kútimine 8 mln. teńge jumsalypty.
Keler jyly sáigúlikterdiń qatary tolyǵady degen jospar bar. Ázirge jylqy malyn jeke kásipkerden jalǵa alyp jattyqqan balalarǵa keleshekte ulttyq sport mektebin ashý da kózdelip otyr.
Sairamdyq jetkinshekter tek ulttyq sport túrimen ainalysyp qana qoimai, álemde keń taraǵan fýtbol oiynynyń da qyr — syryn meńgerýde.
Eki ai buryn paidalanýǵa berilgen sport kesheni búginde fýtbolqqumar balalarǵa toly. Bolashaqta túrli trenajerlar ornatylady. Aýdan ákimdigi aýyldaǵy az qamtylǵan otbasylardyń balalary úshin tegin sektsiia ashýdy qarastyrýda.
