«Rýskii mir» degen dúnieni jeleý etip, 2014 jyly Ýkrainadan Qyrym men Donbas pen Lýganskini tartyp aldy. Ondaǵy airandai uiyp otyrǵan orystardy «Rýskii mirdiń» jaqtaýshysyna ainaldyryp, qoltyǵyna sý búrikti.
Al biyl jyl basynda Pýtin «Rýskii mirin» qurý maqsatynda Ýkraiana jerine basa-kóktep kirdi. Qazir sol basqynshylyq saiasaty Pýtinniń basyna taiaq bolyp tiip jatyr. Biraq aqylǵa keletin Pýtin joq.
Búginde «Rýskii mir» dep óńeshin jyrtyp aiǵailaǵan keibir orystar «Rýskii mirdiń» qaida qalǵanyn bilmei dal bolýda.
Ótkende LNR-diń orystary «Donbas úshin soǵysyp, oqqa ushatyn jaiymyz joq» dep ýkarain sarbazdarynan jeńilip jatqan DNR-diń orystary úshin qylshyǵy qisaimaitynyn ashyp aitty.
Búgin ýkraindyq áskeri sarapshy Oleg Jdanov Reseidiń pasportyna ie bolǵan LNR men DNR-diń orystaryn Kreml ishki Reseige aiaq attap bastyrmai jatqanyn alǵa tartty. Osylaisha Kreml Donbas pen Lýganskiniń orystaryn aiamai, qandy qasapqa salýdy jón kórip otyrǵanyn baiqaýǵa bolady.
Ishki Reseiden kelgen orystar shaiqasta oq tiip jaralansa, olardy ishkeri áketip, em-doamyn jasaidy eken. Al «Rýskii mirdiń» ashyq jaqtaýshysy sanalyp kelgen Donbas pen Lýganskiden shyqqan orystardy shekaranyń bergi betinde em qabldap, soǵysqa qaita salýda.
– Jaraqat alǵandarǵa bulaisha alalap qaraý «Rýskii mirge» syna qaǵatynyny aitapasa da túsinikti. Búginde Reseidiń pasportyn birinshi bolyp alǵan Donbas pen Lýganskiniń turǵyndary ishki Reseide jyljymaityn múlki bolsa ǵana Reseige barýyna ruqsat beriletinin uzynqulaqtan estidik. Olar qur pasportyn kórsetip, shekaradan óte almaidy. Osylaisha Kreml Donbas pen Lýganskidegi «Rýskii mirdiń» jaqtaýshylaryna teris ainala bastady, – deidi Oleg Jdanov.
Osylaisha Kremldiń ózi «Rýskii mirdi» bólshekteýge kóshken syńaiyly.
