Aita ketelik, búgingi tańda Túrkistan óńirindegi aýyl sharýashylyq salasynyń jalpy ónim kólemi 475,6 mlrd. teńgege jetip, oblys bul kórsetkish boiynsha respýblikada 2-shi orynǵa kóterilgen.
Biylǵy jyly túrkistandyq sharýalar kókónis, jemis-jidek, baqsha daqyldarynan 2,8 mln. tonnadan asa ónim jinaǵan. Bul óńirdiń tarihynda bolmaǵan rekordtyq kórsetkish ekenin eskerte keteiik.
Sonymen qatar Túrkistan óńiri eksport kólemin kóbeitýge de kúsh salýda. Atap aitar bolsaq, 500 myń tonnadan asa kókónim ónimderi kórshi Resei, Belarýs, Latviia, Germaniia memleketterine, al 1 mln. tonnasy elimizdiń soltústik óńirlerine jóneltilgen eken.
Óz kezeginde oblys ákimi Janseiit Túimebaev óńirdegi qarqyndy baýlardyń kólemi 2800 gektarǵa jetip, eldegi jemis-jidektiń 40 paiyzy, júzimniń 73 paiyzy Túrkistan oblysynda óndirilgenin aityp ótti.
– Elimizdegi salynǵan jylyjailardyń 77 paiyzy, tamshylatyp sýǵarý ádisiniń 73 paiyzy da bizdiń óńirge tiesili. Oblysta alǵash ret 6,2 myń tonna et eksporttalyp, respýblika eksportynyń 41 paiyzyn qamtydy. Munyń barlyǵy óńir sharýashylynyń tókken teri. Bul birinshi kezekte solardyń jetistigi», – dedi Janseiit Qanseiituly.
