ايتا كەتەلىك، بۇگىنگى تاڭدا تۇركىستان وڭىرىندەگى اۋىل شارۋاشىلىق سالاسىنىڭ جالپى ءونىم كولەمى 475،6 ملرد. تەڭگەگە جەتىپ، وبلىس بۇل كورسەتكىش بويىنشا رەسپۋبليكادا 2ء-شى ورىنعا كوتەرىلگەن.
بيىلعى جىلى تۇركىستاندىق شارۋالار كوكونىس، جەمىس-جيدەك، باقشا داقىلدارىنان 2،8 ملن. توننادان اسا ءونىم جيناعان. بۇل ءوڭىردىڭ تاريحىندا بولماعان رەكوردتىق كورسەتكىش ەكەنىن ەسكەرتە كەتەيىك.
سونىمەن قاتار تۇركىستان ءوڭىرى ەكسپورت كولەمىن كوبەيتۋگە دە كۇش سالۋدا. اتاپ ايتار بولساق، 500 مىڭ توننادان اسا كوكونىم ونىمدەرى كورشى رەسەي، بەلارۋس، لاتۆيا، گەرمانيا مەملەكەتتەرىنە، ال 1 ملن. تونناسى ەلىمىزدىڭ سولتۇستىك وڭىرلەرىنە جونەلتىلگەن ەكەن.
ءوز كەزەگىندە وبلىس اكىمى جانسەيىت تۇيمەبايەۆ وڭىردەگى قارقىندى باۋلاردىڭ كولەمى 2800 گەكتارعا جەتىپ، ەلدەگى جەمىس-جيدەكتىڭ 40 پايىزى، ءجۇزىمنىڭ 73 پايىزى تۇركىستان وبلىسىندا وندىرىلگەنىن ايتىپ ءوتتى.
– ەلىمىزدەگى سالىنعان جىلىجايلاردىڭ 77 پايىزى، تامشىلاتىپ سۋعارۋ ءادىسىنىڭ 73 پايىزى دا ءبىزدىڭ وڭىرگە تيەسىلى. وبلىستا العاش رەت 6،2 مىڭ توننا ەت ەكسپورتتالىپ، رەسپۋبليكا ەكسپورتىنىڭ 41 پايىزىن قامتىدى. مۇنىڭ بارلىعى ءوڭىر شارۋاشىلىنىڭ توككەن تەرى. بۇل ءبىرىنشى كەزەكتە سولاردىڭ جەتىستىگى»، – دەدى جانسەيىت قانسەيىت ۇلى.
