Búgin Respýblıka kúnine oraı Semeı qalasynyń ákimi Nurbol Nursaǵatov memlekettik turǵyn úı qorynnan «Kópbalaly otbasy» sanatyna jatatyn kezekte turǵan 32 otbasyǵa Ushaqtar kentinen jeke turǵyn úılerdiń kiltin tabystady, – dep habarlaıdy Dalanews.kz Abaı oblysy ákiminiń baspasóz qyzmetine silteme jasap.

Aǵymdaǵy jyldyń basynan bastap páter kezeginde turǵan kópbalaly otbasylarǵa Komsomol kentinen 50-den astam jeke úılerdiń kiltteri tabystalǵan bolatyn.

Osy rette atalǵan turǵyn úıler satyp alý quqyǵynsyz beriletin jaldamaly turǵyn úıler ekenin aıta ketýimiz kerek.

Ár úıdiń jalpy aýdany 80-100 sharshy metrdi quraıdy, úıler jylytý peshterimen tolyq qamtamasyz etilgen, jóndeý jumystaryn qajet etpeıdi. Aýlasynda baý-baqshaǵa arnalǵan arnaıy bos oryn bar.

– Búgin 32 otbasy Arhat kóshesindegi úılerden baspanaly boldy. Baspana ıelerin – osyndaı aıtýly kúnmen shyn júrekten quttyqtaımyn. Jańa úıler berekeli bolyp, barsha shańyraqqa qýanysh ákelsin! Respýblıka kúni qutty bolsyn! – dedi qala ákimi Nurbol Nursaǵatov.

Aıta keteıik, Semeı qalasy boıynsha úı kezeginde 13 000-nan astam qala turǵyndary tirkelgen. Sondaı-aq, bıyl jyl sońyna deıin 200-den astam áleýmettik osal jáne kópbalaly otbasylar toılaıdy. Otbasylardy turǵyn úımen qoldaýdyń keshendi modeli jalǵasatyn bolady.