اعىمداعى جىلدىڭ باسىنان باستاپ پاتەر كەزەگىندە تۇرعان كوپبالالى وتباسىلارعا كومسومول كەنتىنەن 50-دەن استام جەكە ۇيلەردىڭ كىلتتەرى تابىستالعان بولاتىن.
وسى رەتتە اتالعان تۇرعىن ۇيلەر ساتىپ الۋ قۇقىعىنسىز بەرىلەتىن جالدامالى تۇرعىن ۇيلەر ەكەنىن ايتا كەتۋىمىز كەرەك.
ءار ءۇيدىڭ جالپى اۋدانى 80-100 شارشى مەتردى قۇرايدى، ۇيلەر جىلىتۋ پەشتەرىمەن تولىق قامتاماسىز ەتىلگەن، جوندەۋ جۇمىستارىن قاجەت ەتپەيدى. اۋلاسىندا باۋ-باقشاعا ارنالعان ارنايى بوس ورىن بار.
– بۇگىن 32 وتباسى ارحات كوشەسىندەگى ۇيلەردەن باسپانالى بولدى. باسپانا يەلەرىن – وسىنداي ايتۋلى كۇنمەن شىن جۇرەكتەن قۇتتىقتايمىن. جاڭا ۇيلەر بەرەكەلى بولىپ، بارشا شاڭىراققا قۋانىش اكەلسىن! رەسپۋبليكا كۇنى قۇتتى بولسىن! – دەدى قالا اكىمى نۇربول نۇرساعاتوۆ.
ايتا كەتەيىك، سەمەي قالاسى بويىنشا ءۇي كەزەگىندە 13 000-نان استام قالا تۇرعىندارى تىركەلگەن. سونداي-اق، بيىل جىل سوڭىنا دەيىن 200-دەن استام الەۋمەتتىك وسال جانە كوپبالالى وتباسىلار تويلايدى. وتباسىلاردى تۇرعىن ۇيمەن قولداۋدىڭ كەشەندى مودەلى جالعاساتىن بولادى.
