Senatta mass-media týraly zań maquldandy, - dep habarlaidy Dalanews.kz.
Búgin senatorlar "Mass-media týraly" zańdy jáne oǵan ilespe "Qazaqstan Respýblikasynyń keibir zańnamalyq aktilerine mass-media máseleleri boiynsha ózgerister men tolyqtyrýlar engizý týraly" jáne "Qazaqstan Respýblikasynyń Ákimshilik quqyq buzýshylyq týraly kodeksine mass-media máseleleri boiynsha ózgerister engizý týraly" zańdardy qarap, maquldady. Otyrys barysynda depýtattar zań jobasyn qarastyrdy jáne jaqyn arada Memleket basshysyna qol qoiý úshin jiberiledi.
Zań jobasy Prezidenttiń "Buqaralyq aqparat quraldary týraly" zańdy qaita qaraý jónindegi tapsyrmasy sheńberinde memleket múddesin, qoǵamnyń suranysy men mediasferanyń damý úrdisin eskere otyryp qolǵa alyndy.
Jumys tobynyń quramyna media qoǵamdastyq ókilderi, sarapshylar, sonymen qatar, kezdesken máselelerdi sheshý maqsatynda tiimdi quqyqtyq tetikterdi ázirleý úshin azamattyq qoǵam ókilderi de tartyldy. Búginge deiin jumys tobynyń 57 otyrysy ótkizilgen.
"Qazirgi ýaqytta zań jobasynda jýrnalist mártebesin arttyrýǵa, granttyq qarjylandyrý tetikterin reformalaýǵa, qazaqstandyq BAQ-tyń básekege qabilettiligin arttyrýǵa jáne otandyq aqparattyq egemendikti nyǵaitýǵa baǵyttalǵan birqatar negizgi novellalar bekitilgen.
Usynylyp otyrǵan novellalar buqaralyq aqparat quraldarynyń materialdaryna qoiylatyn eskirý merzimderin belgileý, BAQ suraýlaryn qaraý merzimderin qysqartý jáne t.b. tetikterge de qatysty", - dep jazylǵan habarlamada.
Aita keteiik, bul zańdar buqaralyq aqparat quraldary salasyndaǵy zańnamany júieli túrde jetildirýge arnalǵan. Sol sebepti zańda buqaralyq aqparat quraldary qyzmetiniń maqsattary, printsipteri men mindetter bekitilgen.
