سەناتتا ماسس-مەديا تۋرالى زاڭ ماقۇلداندى، - دەپ حابارلايدى Dalanews.kz.
بۇگىن سەناتورلار "ماسس-مەديا تۋرالى" زاڭدى جانە وعان ىلەسپە "قازاقستان رەسپۋبليكاسىنىڭ كەيبىر زاڭنامالىق اكتىلەرىنە ماسس-مەديا ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" جانە "قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە ماسس-مەديا ماسەلەلەرى بويىنشا وزگەرىستەر ەنگىزۋ تۋرالى" زاڭداردى قاراپ، ماقۇلدادى. وتىرىس بارىسىندا دەپۋتاتتار زاڭ جوباسىن قاراستىردى جانە جاقىن ارادا مەملەكەت باسشىسىنا قول قويۋ ءۇشىن جىبەرىلەدى.
زاڭ جوباسى پرەزيدەنتتىڭ "بۇقارالىق اقپارات قۇرالدارى تۋرالى" زاڭدى قايتا قاراۋ جونىندەگى تاپسىرماسى شەڭبەرىندە مەملەكەت مۇددەسىن، قوعامنىڭ سۇرانىسى مەن مەدياسفەرانىڭ دامۋ ءۇردىسىن ەسكەرە وتىرىپ قولعا الىندى.
جۇمىس توبىنىڭ قۇرامىنا مەديا قوعامداستىق وكىلدەرى، ساراپشىلار، سونىمەن قاتار، كەزدەسكەن ماسەلەلەردى شەشۋ ماقساتىندا ءتيىمدى قۇقىقتىق تەتىكتەردى ازىرلەۋ ءۇشىن ازاماتتىق قوعام وكىلدەرى دە تارتىلدى. بۇگىنگە دەيىن جۇمىس توبىنىڭ 57 وتىرىسى وتكىزىلگەن.
"قازىرگى ۋاقىتتا زاڭ جوباسىندا جۋرناليست مارتەبەسىن ارتتىرۋعا، گرانتتىق قارجىلاندىرۋ تەتىكتەرىن رەفورمالاۋعا، قازاقستاندىق باق-تىڭ باسەكەگە قابىلەتتىلىگىن ارتتىرۋعا جانە وتاندىق اقپاراتتىق ەگەمەندىكتى نىعايتۋعا باعىتتالعان ءبىرقاتار نەگىزگى نوۆەللالار بەكىتىلگەن.
ۇسىنىلىپ وتىرعان نوۆەللالار بۇقارالىق اقپارات قۇرالدارىنىڭ ماتەريالدارىنا قويىلاتىن ەسكىرۋ مەرزىمدەرىن بەلگىلەۋ، ب ا ق سۇراۋلارىن قاراۋ مەرزىمدەرىن قىسقارتۋ جانە ت.ب. تەتىكتەرگە دە قاتىستى"، - دەپ جازىلعان حابارلامادا.
ايتا كەتەيىك، بۇل زاڭدار بۇقارالىق اقپارات قۇرالدارى سالاسىنداعى زاڭنامانى جۇيەلى تۇردە جەتىلدىرۋگە ارنالعان. سول سەبەپتى زاڭدا بۇقارالىق اقپارات قۇرالدارى قىزمەتىنىڭ ماقساتتارى، پرينسيپتەرى مەن مىندەتتەر بەكىتىلگەن.
