Kókshetaý qalalyq soty reseishil bloger Aslan Tólegenovti ulttyq arazdyqty qozdyrý jáne kórineý jalǵan aqparat taratý boiynsha kináli dep tanyp, 3 jyl 9 aiǵa bas bostandyǵynan aiyrdy, dep habarlaidy Dalanews.kz.
Ne úshin aiyptaldy?
Sot dereginshe, Tólegenov Youtube platformasyndaǵy óziniń arnasynda ulttyq arazdyqty qozdyrýǵa baǵyttalǵan videorolikter jariialaǵan. Saraptama qorytyndysy bul materialdardyń qoǵamdyq tatýlyqqa nuqsan keltiretinin jáne ultaralyq janjal týdyrý qaýpin qamtitynyn rastaǵan.
Buǵan qosa, bloger kórineý jalǵan aqparat taratqany úshin de aiyptaldy.
Tergeý men sottaǵy jaǵdai
Sot barysynda Tólegenov óz kinásin tolyq moiyndap, usynylǵan dálelderge daý keltirmegen. Osyǵan bailanysty is qysqartylǵan tártippen qaraldy.
Onyń kinási saraptamalar qorytyndylarymen, mobildi telefonyndaǵy jazbalarmen, internet-resýrstardy tekserý nátijelerimen, videomaterialdarmen jáne ózge de is qujattarymen dáleldendi.
Sot qandai jaza taǵaiyndady?
Jaza taǵaiyndaý kezinde sot Tólegenovtiń buryn sottalmaǵanyn jáne áreketi úshin shyn júrekten ókingenin jeńildetetin mán-jai retinde eskerdi. Aýyrlatatyn jaǵdailar anyqtalmaǵan.
Nátijesinde sot blogerdi Qylmystyq kodekstiń 174-baby 1-bóligi (ulttyq arazdyqty qozdyrý) jáne 274-baby 2-bóligi 3-tarmaǵy (kórineý jalǵan aqparat taratý) boiynsha kináli dep tanyp, 3 jyl 9 ai bas bostandyǵynan aiyrý jazasyn taǵaiyndady.
Úkim zańdy kúshine áli engen joq.
