كٶكشەتاۋ قالالىق سوتى رەسەيشٸل بلوگەر اسلان تٶلەگەنوۆتٸ ۇلتتىق ارازدىقتى قوزدىرۋ جەنە كٶرٸنەۋ جالعان اقپارات تاراتۋ بويىنشا كٸنەلٸ دەپ تانىپ, 3 جىل 9 ايعا باس بوستاندىعىنان ايىردى, دەپ حابارلايدى Dalanews.kz.
نە ٷشٸن ايىپتالدى?
سوت دەرەگٸنشە, تٶلەگەنوۆ Youtube پلاتفورماسىنداعى ٶزٸنٸڭ ارناسىندا ۇلتتىق ارازدىقتى قوزدىرۋعا باعىتتالعان ۆيدەوروليكتەر جارييالاعان. ساراپتاما قورىتىندىسى بۇل ماتەريالداردىڭ قوعامدىق تاتۋلىققا نۇقسان كەلتٸرەتٸنٸن جەنە ۇلتارالىق جانجال تۋدىرۋ قاۋپٸن قامتيتىنىن راستاعان.
بۇعان قوسا, بلوگەر كٶرٸنەۋ جالعان اقپارات تاراتقانى ٷشٸن دە ايىپتالدى.
تەرگەۋ مەن سوتتاعى جاعداي
سوت بارىسىندا تٶلەگەنوۆ ٶز كٸنەسٸن تولىق مويىنداپ, ۇسىنىلعان دەلەلدەرگە داۋ كەلتٸرمەگەن. وسىعان بايلانىستى ٸس قىسقارتىلعان تەرتٸپپەن قارالدى.
ونىڭ كٸنەسٸ ساراپتامالار قورىتىندىلارىمەن, موبيلدٸ تەلەفونىنداعى جازبالارمەن, ينتەرنەت-رەسۋرستاردى تەكسەرۋ نەتيجەلەرٸمەن, ۆيدەوماتەريالدارمەن جەنە ٶزگە دە ٸس قۇجاتتارىمەن دەلەلدەندٸ.
سوت قانداي جازا تاعايىندادى?
جازا تاعايىنداۋ كەزٸندە سوت تٶلەگەنوۆتٸڭ بۇرىن سوتتالماعانىن جەنە ەرەكەتٸ ٷشٸن شىن جٷرەكتەن ٶكٸنگەنٸن جەڭٸلدەتەتٸن مەن-جاي رەتٸندە ەسكەردٸ. اۋىرلاتاتىن جاعدايلار انىقتالماعان.
نەتيجەسٸندە سوت بلوگەردٸ قىلمىستىق كودەكستٸڭ 174-بابى 1-بٶلٸگٸ (ۇلتتىق ارازدىقتى قوزدىرۋ) جەنە 274-بابى 2-بٶلٸگٸ 3-تارماعى (كٶرٸنەۋ جالعان اقپارات تاراتۋ) بويىنشا كٸنەلٸ دەپ تانىپ, 3 جىل 9 اي باس بوستاندىعىنان ايىرۋ جازاسىن تاعايىندادى.
ٷكٸم زاڭدى كٷشٸنە ەلٸ ەنگەن جوق.
