29 qarasha tańerteń Kaspıı Qubyr Konsorsıýmynyń (KQK) Teńiz termınaly akvatorıasyna ekıpajsyz jyldam júretin katerler shabýyl jasady. Konsorsıým málimetinshe, sonyń saldarynan VPÝ-2 dep atalatyn alysta ornalasqan aılaq qurylǵysy eleýli zaqym alǵan, dep habarlaıdy Dalanews.kz.

Novorossıısk port kapıtanynyń buıryǵymen barlyq operasıalar toqtatyldy, tankerler akvatorıadan shyǵaryldy. Zardap shekkender joq. Apattyq qaýipsizdik júıeleri qubyrlardy avtomatty túrde jaýyp tastaǵan, aldyn ala málimet boıynsha munaıdyń tógilýi anyqtalǵan joq. Qazir sý synamalary alynýda jáne ekologıalyq monıtorıń júrgizilip jatyr.

KQK ókilderi VPÝ-2 qurylǵysyn ári qaraı paıdalanýǵa bolmaıtynyn málimdedi. Júk tıeý jumystary BEK pen BPLA tarapynan qaýip tolyq joıylǵannan keıin ǵana qaıta bastalady.

Konsorsıým bul oqıǵany óziniń azamattyq nysandaryna jasalǵan úshinshi shabýyl dep atap, ony KQK-ǵa qatysýshy elderdiń múddelerine baǵyttalǵan soqqy dep baǵalady.

KQK Teńiz, Qashaǵan jáne Qarashyǵanaq ken oryndarynyń munaıyn tasymaldaıdy; 2024 jyly tıep-túsirý kólemi shamamen 63 mln tonnany qurady, onyń 74 paıyzy sheteldik júk.