Reseidegi musylmandarǵa tórt áielge deiin alýǵa resmi túrde ruqsat berildi. Bul týraly Resei musylmandarynyń rýhani basqarmasy málimdedi. Alaida ol úshin bir shart bar, - dep habarlaidy Dalanews.kz.
Basqarma málimetinshe, kúieýi barlyq áieline ádil ári teń qaraýy qajet.
"Er adamnyń bir ýaqytta ekinshi, úshinshi nemese tipti tórtinshi dini nekege otyrý múmkindigi týraly sheshim qabyldandy. Bul áieldiń densaýlyǵyna bailanysty bala týa almaýy, onyń reprodýktivti jasyna jetýi nemese basqa da obektivti sebepterge bailanysty. Mysaly, erli-zaiyptylar arasyndaǵy jynystyq sáikessizdik jaǵdaiynda ruqsat etiledi. Sondai-aq áieldiń bala týýdan bas tartýy siiaqty jaǵdailar da eskeriledi", - dedi Resei musylmandarynyń rýhani basqarmasy tóraǵasynyń orynbasary jáne Máskeý múftii Ildar Aliaýtdinov.
Ol er adamnyń barlyq áielin teń qamtamasyz etýge mindetti ekenin atap ótti, iaǵni ol ár áieline bólek baspana berýge, sondai-aq árqaisymen kelisilgen kezek boiynsha ýaqytty tek ótkizýge tiis. Eger bul talaptar saqtalmasa, er adamǵa kóp áielalýyna ruqsat berilmeidi.
Sonymen qatar, nekede turǵan er adam taǵy bir dini nekege otyrý kezinde barlyq balany asyrap alýǵa, sondai-aq notariýs arqyly ósiet qujatyn rásimdeýge mindetti.
Alaida Resei Konstitýtsiiasy boiynsha memlekettik organdarda tirkelgen bir ǵana neke moiyndalady.
