رەسەيدەگى مۇسىلماندارعا ءتورت ايەلگە دەيىن الۋعا رەسمي تۇردە رۇقسات بەرىلدى. بۇل تۋرالى رەسەي مۇسىلماندارىنىڭ رۋحاني باسقارماسى مالىمدەدى. الايدا ول ءۇشىن ءبىر شارت بار، - دەپ حابارلايدى Dalanews.kz.
باسقارما مالىمەتىنشە، كۇيەۋى بارلىق ايەلىنە ءادىل ءارى تەڭ قاراۋى قاجەت.
"ەر ادامنىڭ ءبىر ۋاقىتتا ەكىنشى، ءۇشىنشى نەمەسە ءتىپتى ءتورتىنشى ءدىني نەكەگە وتىرۋ مۇمكىندىگى تۋرالى شەشىم قابىلداندى. بۇل ايەلدىڭ دەنساۋلىعىنا بايلانىستى بالا تۋا الماۋى، ونىڭ رەپرودۋكتيۆتى جاسىنا جەتۋى نەمەسە باسقا دا وبەكتيۆتى سەبەپتەرگە بايلانىستى. مىسالى، ەرلى-زايىپتىلار اراسىنداعى جىنىستىق سايكەسسىزدىك جاعدايىندا رۇقسات ەتىلەدى. سونداي-اق ايەلدىڭ بالا تۋۋدان باس تارتۋى سياقتى جاعدايلار دا ەسكەرىلەدى"، - دەدى رەسەي مۇسىلماندارىنىڭ رۋحاني باسقارماسى ءتوراعاسىنىڭ ورىنباسارى جانە ماسكەۋ ءمۇفتيى يلدار الياۋتدينوۆ.
ول ەر ادامنىڭ بارلىق ايەلىن تەڭ قامتاماسىز ەتۋگە مىندەتتى ەكەنىن اتاپ ءوتتى، ياعني ول ءار ايەلىنە بولەك باسپانا بەرۋگە، سونداي-اق ارقايسىمەن كەلىسىلگەن كەزەك بويىنشا ۋاقىتتى تەك وتكىزۋگە ءتيىس. ەگەر بۇل تالاپتار ساقتالماسا، ەر ادامعا كوپ ايەلالۋىنا رۇقسات بەرىلمەيدى.
سونىمەن قاتار، نەكەدە تۇرعان ەر ادام تاعى ءبىر ءدىني نەكەگە وتىرۋ كەزىندە بارلىق بالانى اسىراپ الۋعا، سونداي-اق نوتاريۋس ارقىلى وسيەت قۇجاتىن راسىمدەۋگە مىندەتتى.
الايدا رەسەي كونستيتۋسياسى بويىنشا مەملەكەتتىك ورگانداردا تىركەلگەن ءبىر عانا نەكە مويىندالادى.
