Reseı Ýkraınanyń Qazaqstandaǵy eks-elshisi Petr Vrýblevskııge halyqaralyq izdeý jarıalady, - dep habarlaıdy Dalanews.kz.
Buǵan deıin Reseı Federasıasy Vrýblevskııdi terrorıster men ekstremıster tizimine kirgizgen.
Máskeýdiń Basmannyı aýdandyq soty Vrýblevskııdi qylmystyq istiń aıasynda syrttaı qamaýǵa alýǵa ruqsat bergen. TASS málimetinshe, dıplomat federaldy jáne halyqaralyq izdeýge jarıalanǵan.
"Máskeý soty tergeýdiń Ýkraına azamaty Vrýblevskııdi Reseı aýmaǵyna ekstradısıalaý sátinen bastap nemese ustalǵan kezden bastap eki aı merzimge qamaýǵa alý túrindegi bultartpaý sharasyn tańdaý týraly ótinishin qanaǵattandyrdy", - deıdi agenttikke pikir bildirgen adam.
Aıta keteıik, Petr Vrýblevskıı qazaqstandyq bloger Dıas Kýzaırovqa bergen suhbatynda aıtqan pikirine qatysty qyzý talqyǵa túsip ketken bolatyn. Vrýblevskıı "Olardy (orystardy) kóbirek óltirmekpiz. Qazir orystardy neǵurlym kóp óltirsek, soǵurlym balalarymyz az óltiredi" degen edi.
