رەسەي ۋكراينانىڭ قازاقستانداعى ەكس-ەلشىسى پەتر ۆرۋبليەۆسكييگە حالىقارالىق ىزدەۋ جاريالادى، - دەپ حابارلايدى Dalanews.kz.
بۇعان دەيىن رەسەي فەدەراسياسى ۆرۋبليەۆسكييدى تەرروريستەر مەن ەكسترەميستەر تىزىمىنە كىرگىزگەن.
ماسكەۋدىڭ باسماننىي اۋداندىق سوتى ۆرۋبليەۆسكييدى قىلمىستىق ءىستىڭ اياسىندا سىرتتاي قاماۋعا الۋعا رۇقسات بەرگەن. تاسس مالىمەتىنشە، ديپلومات فەدەرالدى جانە حالىقارالىق ىزدەۋگە جاريالانعان.
"ماسكەۋ سوتى تەرگەۋدىڭ ۋكراينا ازاماتى ۆرۋبليەۆسكييدى رەسەي اۋماعىنا ەكستراديسيالاۋ ساتىنەن باستاپ نەمەسە ۇستالعان كەزدەن باستاپ ەكى اي مەرزىمگە قاماۋعا الۋ تۇرىندەگى بۇلتارتپاۋ شاراسىن تاڭداۋ تۋرالى ءوتىنىشىن قاناعاتتاندىردى"، - دەيدى اگەنتتىككە پىكىر بىلدىرگەن ادام.
ايتا كەتەيىك، پەتر ۆرۋبليەۆسكيي قازاقستاندىق بلوگەر دياس كۋزايروۆقا بەرگەن سۇحباتىندا ايتقان پىكىرىنە قاتىستى قىزۋ تالقىعا ءتۇسىپ كەتكەن بولاتىن. ۆرۋبليەۆسكيي "ولاردى (ورىستاردى) كوبىرەك ولتىرمەكپىز. ءقازىر ورىستاردى نەعۇرلىم كوپ ولتىرسەك، سوعۇرلىم بالالارىمىز از ولتىرەدى" دەگەن ەدى.
