Aqtaý áýejaiynda ushaqtarǵa tehnikalyq qyzmet kórsetý jáne jóndeý ortalyǵy ashylady. Ol, negizinen, Qazaqstannyń, Reseidiń jáne Ortalyq Aziia elderiniń azamattyq jáne áskeri ushaqtaryna qyzmet kórsetetin bolady, dep jazady Dalanews.kz.
Bul týraly 23 jeltoqsanda Májilis otyrysynda kólik ministri Marat Qarabaev aitty. Ministrdiń aitýynsha, ushaqtardy jóndeý-oqý bazasyn YDA, Turkish Technic jáne ASFAT túrik kompaniialary salýdy josparlap otyr.
"Tehnikalyq qyzmet kórsetý ortalyǵy Qazaqstannyń, Reseidiń jáne Ortalyq Aziia elderiniń azamattyq jáne áskeri ushaqtaryna qyzmet kórsetetin bolady. Bizdiń memleketimizdiń, RF, Ózbekstan, Túrikmenstan, Qyrǵyzstan jáne Tájikstannyń azamattyq aviatsiia salasyndaǵy 411 ushaǵyn qosa alǵanda", — dep atap ótti ministr.
Qarabaevtyń pikirinshe, Aqtaý áýejaiy - perspektivaly mýltimodaldy aviatsiialyq hab.
"Onyń basty artyqshylyǵy - kóliktiń barlyq túrlerine qoljetimdiligi jáne Eýropaǵa jaqyn bolýy, iaǵni nebári 3 saǵattyq ushý", — dep eske saldy ministr.
Jańǵyrtý nátijesinde áýejaidyń júk tasymaldaý qýaty jylyna 200 myń tonnaǵa deiin ulǵaiady, al jyldyq ainalymy 520 milliard teńgeni quraidy, dep sendiredi Qarabaev.
Aita ketsek, 2024 jyldyń sáýir aiynda úkimet basshysy Oljas Bektenov Túrkiia prezidenti Rejep Erdoǵanmen kezdesti. Kezdesýge YDA Holding qurylys kompaniialary tobynyń basqarma tóraǵasy Hýsein Arslanm da qatysqan bolatyn. Kezdesýde qazaq-túrik birlesken jobalary talqylandy. Buǵan deiin YDA kompaniiasy Túrkistandaǵy halyqaralyq áýejaidy salǵan bolatyn.
