Qazaqstanda shyǵarmashylyq qyzmetin jalǵastyryp júrgen iakýtiialyq ázilkesh Nýrgýn Atakovqa qatysty Resei biligi ákimshilik is qozǵady. Oǵan ultaralyq arazdyq qozdyrý jáne adamnyń qadir-qasietin ulttyq belgilerine qarai qorlaý deregi boiynsha aiyp taǵylǵan, dep habarlaidy Dalanews.kz.
Ákimshilik is Resei Federatsiiasynyń Ákimshilik quqyq buzýshylyq týraly kodeksiniń 20.3.1-baby negizinde qozǵalǵan. Iakýtiia.info portalynyń málimetinshe, is biyl maýsym aiynda eki ret Iakýtsk qalalyq sotyna joldanǵanymen, protsessýaldyq talaptardyń saqtalmaýyna bailanysty keri qaitarylǵan.
Ázilkesh Nýrgýn Atakovtyń sózinshe, ol Reseide turǵanda sahnada erkin ázil aitýǵa qysym kórgendikten, úsh jyl buryn Almatyǵa kóship kelgen. Onyń sahnada aitqan sózderi áleýmettik jelide tarap, Resei biliginiń nazaryn aýdarǵan.
Atakov stendap-keshinde: «Meniń ana tilim – iakýt tili. Orys tiline degen kózqarasym ... (balaǵat). Reseide sahnaǵa shyǵýdan qoryqtym, sebebi ol jaqta shyndyq aitqan ázilkeshterdi elden qýyp jiberedi. Orystar ózderin basqalardan biik sanaidy. Meniń qurmetteitin jalǵyz halqym – sheshender. Iakýtiia da Reseidiń bir bóligi. Biraq Resei tarih oqýlyqtarynda Iakýtiia týraly ne jazady? Buǵylardy ... (balaǵat) degendi me? Afrikalyqtardy qul qyldy, úndisterdi joidy, bizdi pravoslav jasady. Bizdi óltirgenderi jaqsy edi. Men ýkraindar men belorýstardy jaqsy kórem, sebebi olarmen birge ... (balaǵat) orystardy. Biraq olar da men úshin orys. Barlyq evrei – qý, kavkazdyqtar – agressivti, aziialyqtar – arsyz, al orystardyń bári sasidy», – degen óreskel sózder aitqan.
Ázirge Nýrgýn Atakovtyń ózi bul iske qatysty eshqandai málimdeme jasaǵan joq.
Aita keteiik, ázilkesh Almatyǵa kelgennen keiin «Tiýrkskii razgovornik» atty avtorlyq jobasyn bastaǵan bolatyn. Bul shoýda ol ulttyq erekshelikterdi, tarihi jáne mádeni aiyrmashylyqtardy jii ázilge qosady.
