Men dúnie qýǵan, bailyq jiǵan adam emespin. Bar tapqanymdy qanaǵat etip, ailyqpen kún kórip kele jatqan azamatpyn. Áielimniń de turaqty jumysy joq. Ózimiz páter jaldap turamyz.
Men otbasymnyń osyndai jupyny kún keship jatqany úshin Qazaq biligin kinalamaimyn, ózimniń kemshiligim, jalqaýlyǵym jáne turmysqa qyrsyzdyǵym dep bilem. Sóite tura, ózimdi baqytty jan, berekeli otbasynyń otaǵasy sanaimyn.
Raian bidi óte jaqsy kóredi. Anda-sanda sheshisi kóilek tigip tapqan aqshasymen qyzymyzdy bi úiretetin ortalyqqa aparady. Onyń bir saǵaty bes myń teńge.
Baibolat Kúnbolat aǵasy qamalyp, Halida Aqytqan bastaǵan apalary tórt aidan beri Qytai genotsidtine ushyraǵan týystaryn joqtap, qasyret shegip, zańsyz miting jasaǵany úshin eki million teńgege jýyq aiyppul arqalap jatqanda, Raian Muqibektiń «tairańdap» bilep júrgeni – ákesiniń, záńgi atasynyń atyna aýyr syn emes pe?!
Búgin osy oiǵa kelip, Raiannyń bi úirenýge jumsaityn eki jolǵy aqshasyn sol sherkókirek apalarynyń esepshotyna aýdarýdy sheshtik.
Mán-mańyzyn tolyq túsinip ketpegenimen, bizdiń bul usynysymyzǵa tórt jasqa aldaǵy qyrkúiekte tolatyn Raian qarsy bolǵan joq.
Qaita, «Iá!» dep, basyn izep, kelisimin berdi.
Múmkin, perishtesi sezdirgen shyǵar.
Bireýler shyǵyp, «Ózi jarymai júrip, osy neme-aq elge aqsha ataǵysh eken. Anaý jyly Serikjan Biláshulyna aiyppul salynǵanda úsh myń teńge berip edi. Endi, mine, kempirlerge tamaq jiberip, shai berip, odan qalsa on myń teńgesin jyltyńdatyp taǵy shyǵa kelipti. Aldymen óz turmysyn jóndep almai ma?!» deýi ábden múmkin.
Dese, dei bersin!
Qudai meni solai jaratqan. Ata-anamnyń bergen tárbiesi de solai bolatyn. Jaqyn júrgen Mútálip Ábdrahmanov, Tumanbai Moldaǵaliev, Hasen Oraltai, Ómúrbek Tekebaev, Murat Baqtiiaruly sekildi aǵalarymnyń úlken býyny kórsetken úlgisi de sol...
Qazaqtyń birtýma aqyny Sabyr Adaidyń «Ár qazaq – meniń jalǵyzym!» degen sózin mektep balasynan bastap, bizdiń Elbasymyzǵa deiin aitty. Prezident te bul sózdi, daý joq, biledi dep oilaimyn.
Bul sózdi, ásirese, Qytaidan oralǵan meniń jerlesterim tipti kóp aitady.
Endeshe, mine, onshaqty jalǵyzyńyz aiazy qaqaǵan qys boiy, jańbyry shylqyǵan kóktem boiy, ystyǵy mi qainatqan jaz boiy isi qazaqtyń taǵdyry úshin tikesinen tik turyp, zarlap keledi.
«Adamzat balasynyń basyna bermesin!» dep tileitin taǵdyr – bul!
Qaiyrymdylyq týraly qasietti «Quranda» óte kóp aitylady.
Qolda bolsa, joq-jitikke, qinalǵan jandarǵa shama kelgenshe kómektesip turǵan jaqsy.
Qaiyrymdylyq temasyna toqtalǵanda, qazaqtyń eski bailary jaily da ańyzǵa ainalǵan áńgime jeterlik.
Mysaly, Ahmet jáne Mustafa Orazaiuldary Memlekettik Dýmanyń Musylman fraktsiiasyna 2 myń rýbl tólep, Álihan Bókeihandy qazaq jurtynyń atynan delegat etip usynady.
Jergilikti úkimet «Qazaq» gazetinde jazylǵan máselelerdi «separatistik» dep tanyp, 1914 jyly gazettiń bas redaktory A.Baitursynovty tutqyndalǵanda el-jurt 3000 som (ol kezde bul óte kóp aqsha) tólep, ony túrmeden bosatyp alǵan... Bul áńgimeni oqyǵan qazaqtyń bári biledi.
Men Qytai genotsidine ushyrǵan týystaryn bostýdy talap etip kele jatqan analardy Alash kósemderimen salystyrýdan aýlaqpyn, árine.
Tek, qazaqtyń basyna qiyn-qystaý kúnder týǵanda qazaqtyń sózin sóitin, joǵyn joqtaityn tulǵalarǵa qazaq bailarynyń jasaǵan jomarttyǵyn, qamqorlyǵyn aitqym keldi.
Jasyratyn túgi joq, qazir Shyńjańdaǵy qazaqtyń taǵdyryna bailanysty imperiiamen soǵys júrip jatqan tus.
Sol soǵystyń jábirlenýshisi jáne qaharmany osy apalar bolyp tur.
Men zańsyz mitingige tis-tyrnaǵymen qarsymyn!
Biraq, Shyńjańdaǵy saiasi qysymǵa ushyrǵan qandastarymyzdyń bostandyǵy men quqyǵy qalpyna tolyq kelmeiinshe, Qytai genotsidine qarsy kúrestiń toqtaǵanyn da qalamaimyn!
Qai bala úshin de «Ákem men sheshem bai bopty, tórt túligi sai bopty...» jetkiliksiz.
Múmkindigi bar árbir ata-ana, bolashaqta balalary maqtanyp aityp júretin, halyqqa bir igi is jasap ketkeni durys. Oǵan miy men shamasy jetpese, eń keminde, balasy uialatyn, urpaǵynyń betine erteń shirkeý bolyp tietin teris qadam jasamaýy tiis.
Qudai kóp kórmesin, men qyzym uialatyn jumys jasaǵan joqpyn. Kerisinshe, erteń botam aýzyn toltyryp aitatyn erlikter jasadym dep aita alamyn.
Alla qoldap, amandyq bolsa, áli talaidyń tizesin dirildetetin bolamyz!
Biraq, Raian Muqibektiń ákesiniń shettegi qazaqtar úshin atqarǵan jumystarymen ǵana maqtanyp otyra bergeni jaraspaidy. Erteń úlkeigende meniń osy jazbamdy oqyp, bolashaqta ózi de qairatkerlikpen qatar, qaiyrymdy tulǵa bolýy kerek!
Meniń qyzymnan kútken úmitim — osy!
Ákesiniń «sóz qýyp» ketip, «tesik qalta» bolyp júrgeni bolmasa, Raiannyń arǵy-bergi atalary bi-záńgi bolýmen birge, aýqatty da kisiler bolǵan.
Sol bailyq pen biliktiń «kesirinen», Qytaidyń qyzyl kóz úkimeti jaǵynan olardyń tartqan azaby da az bolmaǵan. Aldy atylyp, arty qýǵyn-súrginnen kóz ashpaǵan...
Al, meniń Raianym, Alla buiyrsa, erteń bai da bi de bolady!
Mine, mynaý búgingi jasap otyrǵan qaiyrymdylyq sol bolashaqtaǵy igiliktiń basy dep bilińizder.
Keshe Prezident Qasym-Jomart Toqaev Alashtyń úsh arasyna arnap Elordanyń tórine keremet eskertkish ornatty.
Ne úshin?!
Birinshiden, olardyń Uly eńbekterine degen qurmet bolsa, ekinshisi jaǵynan jas urpaq úlgi alsyn dep turǵyzdy ol eskertkishti.
Ardaqty aǵaiyn!
Qurmetti týystar!
Qadyrmendi jerlester!
El bolyp, jurt bolyp jumylyp, apalarǵa salynǵan aiyppuldy tólep tastaiyq.
Bul sottyń sheshimine degen qarsylyq emes, anaǵa degen janashyrlyq, ultqa degen jankúierlik!
Balalaryńyzdyń atynan SADAQA atap, mundai qasiretti adam balasynyń basyna bermesin dep tileiik!
Sondai-aq, meniń osy ÚNDEÝIMDI áleýmettik jeliler arqyly tynbai taraptyp otyrýlaryńyzdy suraimyn!!!
Qurmetpen,
Aýyt MUQIBEK
05.07.2021
Alakól demalys aimaǵy,
Kóktuma aýyly
??????????????
KASPI GOLD :
4400 4301 5560 4413
IIN: 810115399093
+7 747 242 78 27
BAIBOLAT KUNBOLAT
Baibolat Kýnbolat
