Ekonomist ári qarjy sarapshysy Rasýl Rysmambetov Biryńǵai jinaqtaýshy zeinetaqy qorynyń direktorlar keńesiniń táýelsiz múshesi bolyp taǵaiyndaldy, dep habarlaidy dalanews.kz.
Qarjy naryǵyn retteý jáne damytý agenttigi Rasýl Rysmambetovtyń kandidatýrasyn maquldady.
Jańa qyzmetinde ol BJZQ-nyń aýdit komitetiniń, kadrlar, syiaqy jáne áleýmettik máseleler jónindegi komitettiń, sondai-aq strategiialyq josparlaý komitetiniń quramynda jumys isteidi.
Rasýl Rysmambetov buǵan deiin qarjylyq konsalting salasynda eńbek etip, halyqaralyq Borrelli Walsh / Kroll kompaniiasynyń seriktesi bolǵan.
2024 jylǵy tamyzdan 2026 jylǵy mamyrǵa deiin Nazarbaev ýniversitetiniń Ulttyq taldaý ortalyǵyn basqarǵan.
