Sheshenstan basshysy Ramzan Qadyrov uly Adam Qadyrovtyń qatysýymen bolǵan jol-kólik oqiǵasy týraly taraǵan aqparatqa alǵash ret túsinikteme berdi, dep habarlaidy Dalanews.kz.
Onyń aitýynsha, bul málimetterdiń barlyǵy – shyndyqqa janaspaityn qaýeset pen ádeii taratylǵan aqparat. Qadyrov qazirgi ýaqytta jasandy intellektiniń kómegimen kez kelgen adamdy adastyrýǵa bolatynyn atap ótti.
Sondai-aq ol ulynyń apatqa ushyraǵany jónindegi aqparattyń belgisiz derekkózderden tarap, qysqa ýaqyt ishinde álemdik jańalyqtardyń basty taqyrybyna ainalǵanyn aitty.
Aita keteiik, 18 jastaǵy Adam Qadyrov - Sheshenstan basshysy Ramzan Qadyrovtyń eń tanymal balalarynyń biri. Adam Qadyrovqa birqatar joǵary laýazym berilip, marapattar tabystalǵan. Qazir ol Sheshenstan qaýipsizdik keńesiniń hatshysy ári respýblikalyq Ishki ister ministrliginiń kýratory qyzmetin atqarady.
