شەشەنستان باسشىسى رامزان قادىروۆ ۇلى ادام قادىروۆتىڭ قاتىسۋىمەن بولعان جول-كولىك وقيعاسى تۋرالى تاراعان اقپاراتقا العاش رەت تۇسىنىكتەمە بەردى، دەپ حابارلايدى Dalanews.kz.
ونىڭ ايتۋىنشا، بۇل مالىمەتتەردىڭ بارلىعى – شىندىققا جاناسپايتىن قاۋەسەت پەن ادەيى تاراتىلعان اقپارات. قادىروۆ قازىرگى ۋاقىتتا جاساندى ينتەللەكتىنىڭ كومەگىمەن كەز كەلگەن ادامدى اداستىرۋعا بولاتىنىن اتاپ ءوتتى.
سونداي-اق ول ۇلىنىڭ اپاتقا ۇشىراعانى جونىندەگى اقپاراتتىڭ بەلگىسىز دەرەككوزدەردەن تاراپ، قىسقا ۋاقىت ىشىندە الەمدىك جاڭالىقتاردىڭ باستى تاقىرىبىنا اينالعانىن ايتتى.
ايتا كەتەيىك، 18 جاستاعى ادام قادىروۆ - شەشەنستان باسشىسى رامزان قادىروۆتىڭ ەڭ تانىمال بالالارىنىڭ ءبىرى. ادام قادىروۆقا ءبىرقاتار جوعارى لاۋازىم بەرىلىپ، ماراپاتتار تابىستالعان. ءقازىر ول شەشەنستان قاۋىپسىزدىك كەڭەسىنىڭ حاتشىسى ءارى رەسپۋبليكالىق ىشكى ىستەر مينيسترلىگىنىڭ كۋراتورى قىزمەتىن اتقارادى.
